Pse nuk duhen ngrënë patatet e skuqura pasi janë ftohur?

Pa shije, të ftohta dhe akoma me yndyrë. A ka ndonjë gjë më të keqe se patatet e skuqura, pasi janë ftohur? Si mund të përfundojë kështu një patate aq e shijshme? Arsyeja kryesore është se ato e humbasin cilësinë e tyre, pasi ftohen, sipas Matt Hartings, një profesor i kimisë në Universitetin Amerikan në Washington, D.C. “Kjo humbje e cilësisë mund të shpjegohet nga procesi kimik që ndodh me pataten,” – tha Hartings, për ‘Live Science’. Patatet janë plot me niseshte dhe ajo shijon më shumë shije kur është e “hidratuar”. Mendojeni niseshtenë në patate si sfera kristali.
Në temperatura shumë të larta, si në fritezë, uji shkon te këto sfera dhe i mbush si balona. Në vend të një sfere të vogël dhe të rëndë, ajo që përftohet është diçka më e fryrë. Dhe pikërisht për këtë njerëzit i pëlqejnë patatet e skuqura dhe të fryra. Por kur patatet ftohen, uji fillon të dalë nga kristalet dhe ju nuk do ta ndjeni më cilësinë e fryrë të patates. Por ku shkon uji, pasi lë sferat e niseshtesë? Direkt në koren e skuqur. “Temperatura, gjithashtu, shpjegon në një farë mënyre pse ndryshon shija e patateve të skuqura, kur ato ftohen,” – tha Hartings. Nxehtësia thjesht mund të nxjerrë në pah aromën dhe shijen e ushqimeve.
Vetëm mendoni se sa ndryshon shija e kafesë kur ftohet. Në fund, edhe aroma, sipas tij, luan një rol të madh në shijen e ushqimit. Patatet e skuqura kur janë të freskëta, kanë një aromë shumë të mirë, por kur ftohen, aroma largohet. Pa atë aromë, shumëçka i referohet shijes, zhduket.