Kryesore
MAQEDONI/ VMRO-DMPNE shpallet fituese, shqiptarët humbasin 7 mandate nga përçarja
Zgjedhjet ne Maqedoni nuk e kanë ndryshuar drejtimin e vendit që i mbetet sërish Nikola Gruevskit dhe partisë së tij, e cila arriti të merrte 51 deputetë, dy më shumë se LSDM-ja e Zoran Zaevit. Ndërkohë edhe në kampin shqiptar e para ka dalë BDI e Ali Ahmetit me 10 mandate. Por llogaritjet e bëjnë të vështirë formimin e një qeverie mes tyre.
Mirëpo, ndryshimi i madh është BESA që ka arritur të marrë 5 mandate, e konfirmuar kështu si forca e dytë shqiptare, e dhe pse ka vetëm 2 vjet në skenën politike. Shqiptarët kanë fituar gjithsej 20 mandate, dhe në zëra të përgjithshëm kjo është humbje për ta, pasi ky tregues përbën zvogëlim të pranisë së tyre në parlamentin maqedonas, shkkruan Albeu.com.
Ndërsa si ilustrim i kësaj “tradhëtie” mbetet Haraçina e cila ka votuar LSDM-në, por të përfaqësuar nga deputet shqiptar, siç është Muhamed Zekiri. Por po ashtu, partisë së Zaevit i është dhënë vota dhe në Tanushë, fshatin simbol të rezistencës së armatosur në 2000-2001, prej së cilës lindi më pas UÇK-ja.
Ndërkohë, e veçantë tjetër e këtyre zgjedhjeve ishte kalimi i PDSH-së Menduh Thaçit, partisë historikë të themeluar e drejtuar shumë vite nga Arbër Xhaferi, si parti e katërt në radhët e atyre shqiptare. Ajo ka marrë 2 deputetë, ndërsa Aleanca Për Shqiptarët u rendit e treta me 3 deputetë.
Tashmë mbetet të shihet se si do shkojnë negociatat për formimin e qeverisë së re, pasi fituesit nuk i kanë votat e duhura. Dhe me gjasë, vendi do shkojë sërish në zgjedhje vitin e ardhshëm./Albeu.com/
Duhet të jeni i kyçur në mënyrë që të mund të lini një koment Kyçu