Tjetër kullë, në Tiranë ‘mbin’ Eyes of Tirana, 26 kate e lartë
Një ditë më parë, Këshilli Kombëtar i Territorit miratoi 17 vendime të reja, ndër të cilët vëmendje specifike mori projekti i njohur si “Eyes of Tirana”.
Leja zhvillimore për subjektin, iu dha Concord Investments sh.p.k , ku mesa duket ndërtimi do të nisë në vitin 2018 ashtu sikurse jepet edhe në faqen e EDIL Al (grup ku bën pjesë edhe Concord Investments sh.p.k).
Maja e kullës, që hapet si lule, sfidon gravitetin, ndërsa atriumet kanë pamjen e një syri nga ka marrë dhe këtë emër.
Sipërfaqja prej 55.444 m2 nga të cilat 2.421 m2 (në 4 nivele) zonë hotelerie, zonë restorantesh 600 m2, hapësirë zyrash për qera:13.354 m2 (4 kate), zonë për apartamente: 6.836 m2 (4 kate)” thuhet në faqen zyrtare të Edil AL.
Në total projekti parashikon 26 kate për Eyes of Tirana.
Gjithashtu Këshilli, ka miratuar edhe një leje zhvillimi për projektin ‘New Building’ që do të zbatohet nga Shushica sh.p.k .
Pjesë e lejeve të miratuara, janë dhe lejet zhvillimore komplekse për projektin e gazsjellësit TAP si dhe ndryshime në Planin Kombëtar Sektorial për këtë projekt
Duhet të jeni i kyçur në mënyrë që të mund të lini një koment Kyçu