Ju prezantojmë me disa nga ndërtesat më të bukura në mbarë botën. Janë 15 mrekullitë të arkitekturës që duhet ti shikoni të paktën një herë në jetë:

Sagrada Familia

“Sagrada Familia” është një kishë katolike në Barcelonë, Spanjë. Ajo ishte projektuar nga arkitekti Antoni Gaudi dhe ndërtimi i saj filloi në 1882. Kisha është ende e paplotë, por megjithatë, ajo është madhështore.

Göbekli Tepe

Göbekli Tepe është një vend para-historik afër Sanliurfrës,Turqi. Mendohet të ketë ekzistuar që 10.000 para krishtit. Ky është një nga vendet më të rëndësishm në Turqi.

Qendra Fulton

Qendra Fulton është një qendër tranziti si edhe një kompleks i shitjes me pakicë. Ajo është e vendosur në Manhattan në qytetin e New York-ut.

Ndërtesa Flatiron

Pas përfundimit, ndërtesa Flatiron ishte ndërtesa më e lartë në New York, me 20 kate. Ajo është një qiellgërvishtëse në formë trekëndëshi dhe është  përshkruar si një nga qiellgervishtëset më ikonike në botë, dhe një simbol tipik i qytetit të New York-ut.

Ndërtesa Woolworth 

Ajo ishte projektuar nga arkitekti Cass Gilbert dhe gjendet në 233 Broadway, Manhattan, New  York. Ka kaluar më shumë se një shekull që kur ajo u ndërtua në vitin 1913, por ende vazhdon të qëndrojë në këmbë. Një arritje vërtet e mrekullueshme.

Qyteti Marina i Çikagos

Qyteti Marina është një ndërtesë jo vetëm komerciale, por edhe e banuar në Chicago. Ajo përbëhet nga dy kulla në  formë  cilindrike. Ajo ishte projektuar nga arkitekti Bertrand Goldberg dhe përmbante ashensorë pesë-katësh, apartamente luksozë, një ndërtesë auditoriumi, një port të vogël dhe shumë më tepër se kaq.

Kisha Temppeliaukio

Kisha Temppeliaukio ndodhet në Helsinki, në jug të Finlandës. Ajo ishte projektuar nga dy arkitektë Timo dhe Tuomo Suomalainen, të cilët janë vëllezër. Kjo kishë është spektakolare. Ajo është  ndërtuar në një shkëmb, prandaj edhe është quajtur Kisha e Gurtë .

Ndërtesa Turninn

Ndërtesa Turninn ndodhet në Islandë. Ajo që është interesante në lidhje me këtë ndërtesë është se si ajo reflekton bukurinë e rrethinave të  saj. Nga sipërfaqja e ndërtesës, mund të  shihet Mali Esja dhe Gjiri i Reykjavík-ut.

Pavilioni i Artë

Pavilioni i Artë, njihet gjithashtu edhe si Kinkaku-ji. Ai është një tempull Buddhsit në Kioto, Japoni. Ai është një nga tërheqjet turistike më të famshme në Japoni. Ai në çdo kat përfshin tri stile të veçanta të arkitekturës të cilat janë : shinden, samurai dhe Zen.

Xhamia e Madhe e Djenné-së 

Xhamia e Madhe e Djenné-së është ndoshta arritja më e madhe e stilit arkitektonik Sudano-Sahelian dhe është struktura më e madhe në botë e bërë nga balta. Ajo është e vendosur në Djenné, Mali dhe është një nga vendet më të njohura në Afrikë. Data e ndërtimit të xhamisë së parë nuk dihet ende, por ajo u rindërtua në vitin 1907.

Xhamia blu

Ajo është  e njohur  ndryshe si xhamia e Sulltan Ahmetit, e cila u ndërtua nga mesi i viteve 1609 – 1616 në Stamboll, Turqi. Ajo njihet sot në mbarë  botën si Xhamia Blu për shkak të pllakave blu, që janë përdorur për të dekoruar muret e brendshme të saj. Ajo është një nga tërheqjet turistike më të famshme në Turqi.

Tempulli i Artë

Tempulli i Artë ose i quajtur ndryshe Harmandir Sahib, është e vendosur në qytetin  Amritsar, Indi. Ai është konsideruar si vendi i shenjtë i qytetit.

Kalaja Neuschwanstein 

Kalaja Neuschwanstein është ndërtuar në shekullin e nëntëmbëdhjetë në Bavari, Gjermani. Ajo është e vndosur në  majë  të një kodre të thepisur. Thuhet se kjo kala ka frymëzuar Walt Disney për të krijuar Bukuroshen e Fjetur.

Qyteti i Ndaluar

Qyteti i Ndaluar është një pallat perandorak kinez, që ka shërbyer si shtëpia e perandorëve kineze për gati 500 vjet. Për ndërtimin e tij u deshën 14 vjet, nga 1406 deri 1420.  Ai përbëhet nga 980 ndërtesa dhe mbulon rreth ( 180 akra) 728,434.1560  metër katror.

Macu Picu

Macu Picu është një vend i shekullit të 15, i cili ndodhet në Peru. Ai është i vendosur 2.430 metra mbi nivelin e detit. Mendohet se është  ndërtuar rreth vitit 1450.