Salianji: Në politikën shqiptare duhet qarkullim elitash

I ftuar në studion e emisionit të mëngjesit, Ditë e Re në RTV Ora, ish-deputeti i PD-së, Ervin Salianji ka rrefyer se si ka qënë jeta e tij para se të hynte në politikë.

“Kam bërë gara se kush pi më shumë shotsa, ia kam dalë të fitoj garën. E kam tepruar kaq shumë gjatë universitetit me daljet nëpër clube e nëpër pube me këto prije.. sa pothuajse i kam ezauruar. Tani gjatë ditës nuk kam pasur ndonjë relatë por edhe gjatë darkës e kam zbutur. Por i kam evituar daljet edhe për shkak të situatës”, ka thënë ai.
Dhe si është tani. Një ndryshim serioz thote Salianji, janë rënia e flokëve. “I hyra politikës me flokë, dhe ja ku jam sot”.

Për të gjithë ata që janë kurioze, për jetën jashtë politikës të tij, rrefejmë se Ervini prej vitesh është i dashuruar, por nuk tregoi se kush është vajza që i ka rrëmbyer zemrën.

“Unë nuk kam qenë asnjëherë singël. Unë nuk kam qenë ndonjëherë në situata ku kam pritur të kem një lidhje personale për të dalë e për të bërë show mediatik dhe për të qenë në qendër të vëmendjes për shkak të saj. Ka sulme, goditje nën brez, por në këtë profesion do përfshihen të gjitha. Por unë nuk e kam zgjedhur kurrë të përdor jetën personale”, ka thënë ai.

Por përveç jetës personale, Salianji nuk ka mundur të rrijë pa folur për politikën. Sipas tij në klasen politike ka një mosqarkullim të elitave, e për këtë zgjidhjen e vetme e ka përsëri politika.

“E gjithë klasa politike ka një mosqarkullim të elitave. Mund të shfrytëzohet kjo si shkak për të ndryshuar sistemin për të dhënë një sistem ku qytetarët zgjedhin, sepse është mpirë nervi i qytetarëve”, ka rrëfyer ai