Aktualitet
Pse?! – Nga Edmond Bruçaj
Pse o qytetarë të dashur, që ne shqiptarët mbahemi si popull inteligjent dhe të arsyeshëm të bëhemi kaq kokë fortë nuk bindemi për të mirën e vetes dhe të familjeve tona?!
Kaq e vështirë është ta kuptojmë se kjo epidemi është një vdekje me përcaktim të vullnetit tuaj.
Pse duhet ta çojme dëm sakrificën e mjekëve që po përballen çdo minut, çdo orë çdo ditë me këtë armik të padukshem, duke rrezikuar veten dhe familjaret e tyre, kur ne shumë mirë mund ta eleminonim duke mos dalë fare nga shtëpia, kur ne do ua lehtësonim punën më shumë n.q.s do të ndërgjegjësohemi me situaten që ndodhemi
Pse po e shkatërroni durimin e fëmijëve që rrinë brenda larg lodrave larg kopshteve për një të ardhme më të mirë.
Pse po e shkatërroni durimin e mësuesit që po bëjnë të pa mundurën që nxenësit të mos ngelen pas me mësimet në ketë kohë të vështirë .
Pse po shkatërroni sakrificën e një polici që po rri me orë të zgjatura për të vënë rregull kur ne mund të arsyetojmë që rregullin mund ta bëjmë vetë ne, pa qenë nevoja të imponohemi nga forca e shtetit.
Pse po e shkatërroni punën e një furrëtari që lodhet që të marrim ne buken e ngrohtë?!
Pse po i fundosni më keq ata familje që nuk kanë patur mundësitë të kenë kursime menjanë duke e zgjatur më shumë këtë kohë të vështirë, vetëm që ju të dilni te liqeni apo në pedonale, që do ta keni përsëri aty kur të mbarojë kjo epidemi e mallkuar.
Pse po ia merrni ditët e lirisë një pensionisti duke e mbajtur ne burgun e shtëpisë. PSE PSE PSE ….