Mira Kazhani dhe Bieta Sulo të punësuara në UKT/ Erion Veliaj, pa iu skuqur faqja, e trajton si një fenomen normal punësimin e gazetareve në UKT.
Pasi dy gazetaret e njohura, Mira Kazhani dhe Bieta Sulo rezultuan të punësuara në UKT me një rrogë të majme, ka reaguar edhe kryebashkiaku Erjon Veliaj.
Në emisionin “Real Story” ai ka deklaruar se në këtë çështje nuk ka asgjë të keqe, pasi kjo ndodh edhe në SHBA, apo vende të tjera.
Veliaj është shprehur se UKT është një kompani e madhe, ndoshta e dyta pas OSHEE, dhe se ka mundësi të punësojë më të mirët në treg.
“Përsa i përket një kompanie, siç është UKT-ja, e cila është një nga kompanitë më të mëdhaja në qytet, ndoshta pas OSHEE, e cila ka nevojë gjithmonë për të marrë këshilltarë, specialistë mediash, konsulentë, për të marrë audit, për të marrë ekspertë kredie. Pra, më të mirët që ka tregu, kjo është një gjë që ndodh tipikisht. Kolegët e zotit Lela në Britani, kolegët e tij në Boston, punojnë rregullisht për kryetarët e bashkisë. Kështu që një kompani e qytetit merr eksperiencë dhe kërkon nga specialistë të medias, për mënyrën sesi do të komunikojë reforma të caktuara, për mua ka rëndësi bilanci”, tha Veliaj.
Artikuj të ngjashëm
Më tepër nga kjo kategori
Aktualitet
