Shqipëria në udhëkryq / Nga Ardit Haxhija

Shqipëria në udhëkryq
Shqipëria prej vitesh përballet me zgjedhje pluraliste. Zgjedhja në gjenezë të saj ka individin, i cili përballet nëpërmjet ideve, parimeve dhe platformave.

Individi merr vlerë kur platforma e tij ka vlerë, dhe në bazë të saj votohet, ose anasjelltas. Fatkeqësisht në Shqipërinë tonë, individi ka marrë vlerën kryesore, duke hequr dore nga idetë, platformat apo bindjet politike.

Prej vitesh ne perfaqësohemi nga individë pa ditur çfare ideje i përkasin apo çfare platforme përfaqesojnë. Kjo ka sjellë forcimin e individit duke zbehur rolin e shoqërisë.

Forcimi i individit ka sjellë autokraci që e çon vendin nje hap larg kolapsimit dhe stanjacionit. Ky kolapsim ka sjellë shpërnguljet masive të shoqërisë, duke u renditur të dytet pas Sirisë (vend në luftë)

Po t’i hedhim një sy zgjedhjeve në vendin më demokratik të botës, lufta bëhet nga individet me bazë të fortë idetë, të majta apo të djathta qofshin ato.

E djathta në themel të saj ka besimin në Zot, familjen, ekonominë e lirë të tregut, konservatorizmin, Europianizimin e shoqërisë, politikën e taksave të ulta dhe mbrojtjen e territorit.

E majta më së shumti fokusohet tek shteti social, ndërhyrja dhe kontrolli i ekonomisë nga shteti, taksimi në bazë të të ardhurave apo shoqëri liberale.

Sot më shumë se kurrë vendit i nevojitet një qeverisje stabile, e bazuar fort në parime dhe ide. Sot më shumë se kurrë nevojitet një forcë politike që forcën e merr tek idetë e saj e jo tek individi. Sot më shumë se kurrë nevojitet që njerëzit të votojnë idenë e jo individin.