Si t’i grimojmë sytë ? Rregullat bazë

Bukuria: Më thuaj ngjyrën e syve…të të them si t’i grimosh

Si mund të trukohen sytë bojëqielli, jeshil, gështenjë, të zinj ose gri? Ja përgjigjet për pyetjet që dalin kur dëshironi të kombinoni grimin e syve me ngjyrën e tyre

Udhërrëfyes se si t?i trukoni sytë në bazë të ngjyrës së irisit

Ngjyra, rregullat bazë

Si mund ta kuptoni nëse në qepallat e syve tuaj më mirë ju rrinë tonalitetet e “nxehta” (ato që përmbajnë pigment të kuq), apo ato të “ftohta” (në pjesën më të madhe me pigment blu)? Përballë pasqyrës, afroni një ngjyrë (një copë stofi, një objekt, një fletore…)pranë fytyrës tuaj: në këtë mënyrë do të zbuloni nëse ajo e zbeh apo e thekson atë. Duke parë këtë gjë, në momentin që do të trukoheni, mund të luani me nuancat në faqe dhe në buzë ose me ngjyrën e irisit të syve.

Ja grimi për:

Sytë e kaltër

Sytë e kaltër janë “produkt” i një iluzioni të mrekullueshëm optik: sipërfaqja e irisit nuk përmban melaninë, ndaj dritën e reflekton sikur të ishte një liqen apo det. Gjithçka varet nga kromozomi i 15 që përcakton ngjyrën e kaltër. Si t?i trukoni sytë në këtë rast? Mos e teproni me ngjyrën blu. Përdorni blunë marine, ngjyrën e hirtë, atë çokollatë dhe bakri.

Sytë blu

Nëse i keni sytë blu, atëherë për ta mjafton t?i lini ashtu siç janë! Mos i ngarkoni me asnjë lloj hije blu, sepse në këtë mënyrë sytë tuaj do të duken të zbehtë. Nëse keni çehre të ngrohtë, atëherë për tonalitet përdorni pigmente të së verdhës dhe së kuqes. Por nëse jeni të bardha, perfekte për ju janë tonalitetet e ftohta si për shembull ngjyra e jargavanit (vjollca e lehtë dhe e ëmbël).

Sytë e gjelbër

Është kromozomi i 19 ai që ju ka dhuruar këtë ngjyrë të bukur! Ngjyrat perfekte për ju janë:

jargavani, kumbulla, patëllxhani, lejlaja. Ndërkaq të gjitha derivatet e së kuqes do t?i bëjnë sytë tuaj të gjelbër të duken edhe më të bukur.

Sytë e gjelbër me dritëhije të zezë, gri dhe të verdhë

Ndryshe nga sytë me ngjyrë blu, sytë jeshil me dritëhije të tilla mund të grimohen me një bojëqielli shumë të lehtë, sepse ngjyra e gjelbër e irisit të syve do të jetë më dominuese.

Sytë kafe

Nëse keni sy ngjyrë kafe, zgjidhni tonet e mbyllura si, gështenjë, hiri e mbyllur, e kaltër e mbyllur. Shmangni hijezimet e zbehta, të çelëta dhe ngjyrat pastel. Këto theksojnë të bardhën e syrit që na bënë të dukemi më të “mërzitshme”. Hijet e preferuara: e kaltra e detit, gri e errët, rozë, bakri, bronzi, ari…

Sytë e gri

Sytë gri janë të pasur me sfumatura që reflektojnë humorin tuaj dhe atë të qiellit. Në bazë të pluhurit të përdorur mund të merrni efekte të ndryshme. Zgjidhni grinë dhe të kuqen e bakrit.

Sytë e zinj

Nëse keni sy të zinj, atëherë mund të përdorni të gjitha ngjyrat e ylberit, por kujdes me hijet shumë të lehta, sepse ato mund ta bëjnë të bardhën e syrit të duket më pak e bardhë. Bluja e errët, grija e errët, kafja ose ngjyra bezhë do të nxjerrin në pah anën misterioze të syve tuaj të zi.