Vlerat e rigonit / Fuqia shëruese e rigonit

Përdorimi më i zakonshëm që kemi për rigonin është hedhja në picë. Ajo, për të cilën nuk kemi shumë njohuri, është fuqia shëruese e tij.
Rigoni është një bimë e njohur që i jep aromë ushqimeve. Sot rigoni gjen përdorim në vendet nga Azia, në Europë dhe në Amerikën Latine. Mjekësitë tradicionale të të gjithë këtyre vendeve e kanë përdorur vajin e rigonit në recetat e tyre shëruese. Vaji i rigonit nuk është i mirë për inflamacionet lokale, por ka edhe një sërë vetish, për të cilat duhet klasifikuar në kategorinë e super ushqimeve.

Si antioksidant, rigoni përmban një numër përbërësish, të cilët ndihmojnë në shkatërrimin e efekteve të stresit oksidativ në qelizat e trupit. Rigoni ka aktivitet antioksidues më të lartë se mollët ose boronicat dhe ndihmon në përmirësimin e metabolizmit tek njerëzit me yndyrna të larta në gjak.  

Vajërat përbërës tek rigoni (timoli dhe karvakroli) e bëjnë një antibakterial dhe anti-fungial shumë efektiv, veçanërisht organizmat që prekin sistemin tretës si kandida dhe bakterie si xhiarda dhe stafilokoku.

Rigoni përmban një sërë vitaminash dhe mineralesh duke përfshirë vitaminën K (e mirë për shëndetin e gjakut e të kockave), magnezin (ruan balancën e sheqerit në gjak), hekurin (mban oksigjenin në gjak) dhe kalciumin (ndihmon në shëndetin e kockave, muskujve dhe funksionin e nervave).

Sipas të dhënave të fundit, rigoni ka edhe veti anti-kancerogjene, pasi bllokon rrugët e zhvillimit të tumoreve.

Për dëmitimet e jashtme, një studim i 2011 tregoi se rigoni ndihmonte në shërimin e një plage. Por kujdes! Vaji i rigonit është i fortë dhe nuk duhet përdorur drejt e në lëkurë.

Për më shumë shije të shëndetshme në kuzhinë, rriteni rigonin në ballkonin (kopshtin) e shtëpisë tuaj.

Burimi: YinOva