Gjëra që duhet t’i bëni për të mirën e syve, sa s’është vonë

Shumë prej jush mund të punojnë me kompjuter, ose e përdorin si një mënyrë për t’u argëtuar, për të kaluar kohën, për të mësuar. Nga ana tjetër celulari që është thuajse 24/7 me ne është një tjetër problem madhor për sytë dhe mendjen tonë. E dini që sa herë që ne pulisim sytë, në të formohet një si shtresë loti që e ndihmon syrin që të jetë i mbrojtur. Pas disa sekondash ajo thahet dhe ata duhet të kapsiten sërish për të qenë të mbrojtur. 5-7 sekonda është quajtur koha normale midis tyre.

Kur ne ulemi përpara këtyre pajisjeve teknologjike, normat e kapsitjes së syve bëhen çdo 12 sekonda. Kjo i thanë sytë tuaj duke shkaktuar “dehidratimin dhe vdekjen e qelizave të sipërfaqes”. Për veç kësaj mund të shkaktohen edhe probleme të tjera shëndetësore siç janë ato të gjendrave, inflamacioni etj.

Eshtë e vërtetë që kompjuteri nuk na bën të verbër, por i thanë shikimet tona dhe i bën të rraskapitur. Këto janë disa nga mënyrat që mund të përdorni për të shmangur këto probleme me shikimin.

Bëni pushim

Për të paktën 6 herë në ditë, shtypini sytë për 10 sekonda. Kjo gjë do të shmangë krijimin e gjendrave në sy. Përpiquni ta bëni këtë një zakon të përditshëm. Vendosni alarmin në telefonin tuaj derisa të mësoheni. Po ashtu edhe përdorimi i kompresave të ngrohta për të paktën 7 minuta në ditë do t’ju ndihmojë.

Përdorni lot artificial

Ashtu siç bëni me trupin tuaj duhet të bëni edhe me sytë kur bie fjala për dehidratimin. Përdorini lotët artificialë katër herë në ditë edhe nëse sytë tuaj nuk janë të thatë.

Konsideroni një filtër për dritën blu

Duke parë dëmin që kompjuteri shkakton në sy, konsideroni të gjeni një palë syze që do të filtrojnë dritën e dëmshme dhe që lejon kalimin e “dritës së mirë”. Ato do të reduktojnë reflektimet dhe lodhjen,” thotë Schachter. Për të gjetur lente të tilla mund të konsultoheni me mjekun e syve.

Kujdes me vendosjen e kompjuterit

Problemi ndonjëherë mund të jetë edhe qëndrimi i kompjuterit tuaj në zyrë. Përpiquni që ta mbani monitorin nën nivelin e syve tuaj. Në këtë mënyrë ata do të jenë më pak të hapur dhe më pak të tensionuar. Nëse pozicioni nuk është i tillë ngrini më shumë karriken tuaj të punës.

Burimi: Byrdie