Connect with us

Kryesore

Përgjimet e Antimafias italiane, Basha: E kemi denoncuar prej 8 vitesh, SPAK të hetojë!

Kryetari i Partisë Demokratike, Lulzim Basha ka folur sot për herë të parë në emisionin ‘Kjo javë’ në ‘News24’ në lidhje me përgjimet e Antimafias italiane, ku flitet për abuzime me lejet e ndërtimit në Tiranë.

Lideri demokrat tha për gazetaren Nisida Tufa se Tirana është kthyer në një lavatriçe të pastrimit të parave të pista të krimit, ndërsa sulmoi kryeministrin Edi Rama dhe kryebashkiakun Erion Veliaj. Mes të tjerash ai i bëri thirrje SPAK që të hetojë këtë çështje.

PJESË NGA INTERVISTA

Nisida Tufa: Zoti Basha faleminderit që jeni me mua në studio në News24.

Lulzim Basha: Faleminderit për ftesën. Ju përshëndes juve dhe teleshikuesit tuaj.

Nisida Tufa: Faleminderit! Do doja ta nisnim bashkë këtë intervistë me zhvillim kryesor, temë e ditës, në fakt në lidhje me përgjimet e bëra nga anti-mafia italiane ku përfshihen zyrtarë të lartë të qeverisë por edhe të pushtetit vendor. Ka reaguar Partia Demokratike, ndoqëm një deklaratë nga ana e Grida Dumës, por ende nuk e kemi një koment nga kryetari i opozitës zoti Basha, ju.

Lulzim Basha: Është fare e qartë që shqiptarët tashmë kanë 8 vite që shohin të njëjtën gjë. Qëndrimet e Partisë Demokratike, denoncimet e Partisë Demokratike për kthimin e Tiranës në një lavatriçe të pastrimit të parave të pista të krimit nga kryetari i bashkisë me mbështetjen e kryeministrit si dhe roli i krimit të organizuar shqiptar por edhe rajonal në bashkëpunim me qeverinë shqiptare i ka kushtuar shumë shqiptarëve.

Me të vërtetë këtu po ndërtohen kulla të larta që siç dalin nga përgjimet janë rezultat i bashkëpunimit të mafias italiane me kryebashkiakun, me ministrat, me pushtetarët e lartë nën varësinë e Kryeministrit, janë bashkëpunëtorë të kryeministrit siç ishte edhe Saimir Tahiri, po kështu i zbuluar nga përgjimet e anti-mafias italiane. Por Shqipëria është vendi me investimet më të ulëta në rajon sa i përket investimeve direkte ndërkombëtare. Pra ky është kontrasti, në vende të tjera të rajonit po hapen vende pune, po ndërtohen fabrika, po punësohen qytetarët me rroga dinjitoze ndërsa shqiptarët shohin një krizë të thellë ekonomike nga njëra anë dhe paratë e krimit të organizuar në bashkëpunim me paratë e korrupsionit qeveritar.

Se ky 20% nga del? Del nga paratë tona publike që derdhin beton në Tiranë, betonizojnë Tiranën ndërkohë që shqiptarët varfërohen xhepat e tyre zbrazen, kostoja e jetës rritet, pamundësia për të gjetur një vend pune thellohet dhe katastrofa më e madhe kombëtare është largimi i të rinjve. Pra ajo që demonstrojnë këto përgjime është ajo që ne kemi denoncuar prej 8 vitesh, që Edi Rama dhe kupola e tij qeverisëse kanë menduar dhe mendojnë vetëm për veten e tyre. Që ajo që bën diferencën midis Shqipërisë dhe vendeve të tjera të rajonit pse ne kemi një krizë më të thellë ekonomike në kohën e pandemisë, pse ne kemi paketën e ulët ekonomike, pse një grusht pushtetarësh dhe një grusht njerëzish pasurohen dhe gjithë shqiptarët e tjerë po vuajnë pasojat e kësaj ekonomike ka një dhe një përgjigje dhe përgjigje është dështimi total i kësaj qeverisje.

Ajo dua të them sot nga kjo studio, është një thirrje Prokurorisë Shqiptare në veçanti Strukturës së Posaçme anti-Korrupsion që pa asnjë vonesë të kërkojnë fashikujt e këtij hetimi që është disavjeçar nga anti-mafia Italiane dhe të nis hetimin paralel me Shqipërinë. Kujtoj se kështu ka ndodhur edhe kur anti-mafia italiane zbuloi çështje tashmë të famshme, të trafikut të drogës, të përfshirjes së ish-ministrit të Brendshëm Tahiri dhe nuk ka asnjë arsye në botë, pse SPAK-u të mos kërkojë me urgjencë, nga Anti-Mafia italiane, nga prokurorët Anti-Mafia që janë kolegët e tyre fashikujt e këtij hetimi dhe të nisë urgjentisht hetimet,

duke marrë këto figura që janë të përmendura në këto hetime menjëherë në shqyrtim, nën hetim dhe duke bërë atë për të cilën SPAK-u është krijuar; për të bërë drejtësi. Natyrisht drejtësia e vërtetë nuk mund të vijë pa çliruar qeverisjen, kjo është në fakt domethënia e 25 prillit. Ky është një argument më shumë pse 25 prilli duhet dhe do të sjellë ndryshimin e madh për të gjithë shqiptarët. E përsëris për të gjithë shqiptarët.

Continue Reading

Me teper

Temporal18 mins ago

“Ju flet Moska” – Kush qëndron pas biznesit kriminal të Klodiana Lalës

Gazetarët investigativë në Shqipëri ishin në fokus të analizës së emisionit “Ju flet Moska” nga Kastriot Myftaraj në Rtv Ora....

Kryesore56 mins ago

Mediu: Rama tenton të krijojë karantinë për opozitën

  Gjykata Kushtetuese do të gjykojë këtë të martë kërkesën e Partisë Republikane në lidhje me kundërshtimin e vendimit për...

Kritike1 hour ago

Kryeministri si shef pavijoni

Prej kohësh, qesharakja me shqetësuesen ndërrojnë vendet. E shëmtuara dhe propagandistikja janë bërë trup i vetëm e megjithatë nuk ndalen....

Kryesore1 hour ago

Shqipëria ndër vendet e fundit në botë për vaksinimin kundër Covid-19

Foto ilustruese Shqipëria është një ndër vendet e fundit në botë sa i përket numrit të personave të vaksinuar kundër...

Temporal1 hour ago

Aleatët e Bashës si ‘inglorious bastards’

Alfred Lela Në krizën e madhe që prodhojnë listat, sa herë ato i bën Basha, ka edhe një krizë të...

Kryesore2 hours ago

Jorida Tabaku: Kujt i duhet më Edi Rama?

Nga Jorida Tabaku Si gjeli që krekoset në majë të një grumbulli dështimesh, Edi Rama kërkon një mandat të tretë....

Kryesore2 hours ago

Basha akuzon Ramën se ka dëmtuar buxhetin me 6.2 miliardë euro

Kreu i PD-së, Lulzim Basha akuzoi qeverinë se ka shkaktuar 6.2 milionë euro dëm në buxhetin e shtetit. Përmes një...

Radar2 hours ago

Kur infektohet me Covid-19 një grua shtatzënë, çfarë ndodh me fëmijën?

Ndër pyetjet e shumta që na mundojnë lidhur me pandeminë Covid-19, nisur nga “kur do të mbarojë e gjitha kjo...

Kryesore3 hours ago

Borxhi i jashtëm u shtua me 1 miliard euro më 2020, ritmi më i lartë e tre dekadave

Gjatë pesë viteve të fundit huamarrja e huaj ka mbuluar mesatarisht rreth 17% të nevojave të përgjithshme të qeverisë Borxhi...

Radar3 hours ago

Dua Lipa, tanimë artistja e dytë më e dëgjuar në botë në “Spotify”

Dua Lipa tanimë është artistja e dytë më e dëgjuar në të gjithë botën në “Spotify”, dhe e para nëse...

Facebook