Mesut Ozil largohet nga Arsenal pas 7 vitesh, një letër për tifozët
“Duket e çuditshme që po e shkruaj këtë mesazh pas një kohe të gjatë këtu në Londër. Që në momentin që erdha u ndjeva si në shtëpi”.
Ka qenë kjo një pjesë e përshëndetjes së Mesut Ozil me tifozët e tij të Arsenalit, të cilëve u ka njoftuar largimin nga skuadra.
Lojtari 32-vjeçar ka nënshkruar kontratë për tri vjet e gjysmë me ekipin turk të Fenerbahce. Ai ka fituar me Arsenalin tri kupa të futbollit anglez, si dhe ka shënuar 44 gola gjatë kohës sa ka qenë aty, ndonëse Ozil nuk ka luajtur për këtë ekip nga marsi i vitit të kaluar.
“Është e vështirë për mua ta them me fjalë dashurinë që kam për klubin dhe tifozët”, ka thënë Ozil përmes një letre të hapur.
“ Arsenali është klub i klasit dhe prestigjit, diçka që unë e kam ndjerë çdo herë që kam shkelur në fushë. Lojtarët, stafi dhe menaxhimi gjithmonë shkojnë e vijnë, por vlerat e klubit dhe tifozët do të mbesin përgjithmonë”, shkroi ndër të tjera Ozil.
Artikuj të ngjashëm
Më tepër nga kjo kategori
Aktualitet
