Lidhu me ne

Kritike

Kryeministri si shef pavijoni

Prej kohësh, qesharakja me shqetësuesen ndërrojnë vendet. E shëmtuara dhe propagandistikja janë bërë trup i vetëm e megjithatë nuk ndalen. Në stadiumin kombëtar të Tiranës, por edhe në Shkodër e Vlorë, gjejnë skenën e tyre të alternimit e të shfaqjes. Kryeministri sillet çdo ditë sikur është vetë një vaksinues, infermier, doktor urgjence apo shef pavijoni.

Atij i mungon një çantë sanitaresh në shpinë me kryqin e kuq si shenjë, mbushur me shiringa, kortizon, antistaminik, që të ndërhyjë për ndonjë zalisje të mundshme. Vërdalliset i uruari në ato shkallare, i ndjekur besnikërisht e përunjësisht nga Manastirliu, e cila buzëqesh në sintoni me moton “Shqipëria buzëqesh”.

Rama vë epitete, kujt “gjigant” e ndoj tjetri “i madh”, sidomos personaliteteve që caktoi vetë si të tilla e që i futi si ilegalët te shtëpia e Partisë. Në Afrikë nuk ndodh kjo, që Kryeministri të shkojë çdo ditë në qendra vaksinimi, të kërkojë me zor lajm e vëmendje për vaksinat e tij të pakta, se në Europë jo e jo. Ai po përpiqet të takojë çdo të vaksinuar dhe detyrimin t’ia shesë si nder. Edi Rama çdo vaksinë po e trajton si votë të mundshme, duke thyer çdo rregull etik e politik.

Pasi u vaksinua vetë i pari, gjë që nuk e bëri Merkeli, Macroni apo Konte, tani bën spektakël me dështimin e tij. Deri tani ka sjellë aq pak sosh e aq ngadalë bëhen sa me këto ritme duhen disa vite të rrashta për të dalë në bregun tjetër. Pandemia ecën me hap sfidues në infektime e vdekje, duke e shndërruar Shqipërinë si vendin me problematik në menaxhimin e saj në të gjithë Europën.

Ajo që bën përshtypje tragjike është lehtësia, me të cilën përcillen vdekjet e shumta. INSTAT deklaroi 6 (gjashtë) mijë të vdekur më shumë për vitin 2020 sesa viti i mëparshëm.

Një shifër kjo që të rrëqeth duke ditur sa pak banorë jemi. Ngjan të jemi mësuar si pa të keq me buletinin e morteve ditore. Kushtet në spitale dhe ezaurimi i mjekëve janë ana tjetër, për të cilat, nëse flet apo denoncon, përfundon i proceduar nga Policia si mbesat e Vili Minarollit kur iu vdiq babai.

Monstruoziteti dhe vjedhja me Tiren si simbol, janë tjetra. Komiteti teknik nuk vendos asgjë, por përdoret si fasadë për sjelljen e Edi Ramës, siç la të kuptojë edhe mjeku i njohur Tritan Kalo. Vendimet e këtij organizmi partiak kanë shërbyer deri tani si mbulesë për gjobat e kripura ndaj opozitës në fushatë elektorale dhe për të kufizuar aktivitetin e saj, ndërsa “Rilindja” mbledh të gjitha ndërmarrjet, deri tek elektricistët, ku u kërkon lista votash të premtuara.

Prezenca e koronavirusit si edhe tërmeti më parë janë prova dhe dëshmia se shteti i Edi Ramës është prej kartoni dhe qeverisemi nga sharlatanë që gënjejnë edhe Zotin me paaftësinë si puçërr me qelb në ballin e rrafshët. Asnjë qeveri nuk i ka lënë qytetarët e vendit të vet në mëshirën e fatit me ftohtësi kriminale si kjo e jona.

Shtëpitë janë shndërruar në spitale, spitalet në magazina rrefuzhe që nuk mbajnë më teksa kostot e përballimit kapin shifra të frikshme për xhepin e gjithkujt, strukturat private kërkojnë nga 1 mijë deri në tre mijë euro nata, ndonëse edhe aty vende s’ka, por Edi Rama sillet në çdo rast si shef pavijoni, duke i menduar shqiptarët si të sëmurë mendorë. Ai ka të drejtë ta mendojë këtë për sa kohë kemi dhënë prova që sillemi si pacientët e tij./PANORAMA/

Vazhdo leximin

Me teper

Kioske2 ditë më herët

Letrat e ndaluara të komunizmit: “Punojmë për të ngrënë një copë bukë misri”

Letrat e dhimbjes së shqiptarëve në regjimin komunist të cilat u ndaluan nga Sigurimi i Shtetit për të shkuar në...

Temporal2 ditë më herët

Investigimi/ Rilindja po shpenzon për propagandë me faqet anonime në Facebook

Fushata zgjedhore në Shqipëri ka trokitur prej ditësh dhe ndërsa i afrohemi 25 prillit, motorët e partive kryesore në vend...

Radar2 ditë më herët

Eni Çobani tregon emocionin e puthjes së parë: Edhe sot e vizitojmë shpesh atë vend

Sa herë ndodh të jetë e ftuar në “Rudina”, Eni Çobani gjithmonë ndan me publikun, përveç profesionit, edhe sekrete e...

Aktualitet2 ditë më herët

Dashamir Shehi: Kriza në Rinas, sajesë për të harruar “Bechetin”, akuzat për grusht shteti më kujtojnë Enverin

Kriza në Aeroportin e Rinasit është përpjekja e fundit Edi Ramës për të larguar vëmendjen nga Skandali Becheti. Kështu u...

Kryesore2 ditë më herët

“Po firmosen tendera me kontrata marramendëse”

Klodian Tomorri Gazetari Klodian Tomorri, ka bërë një deklaratë të fortë , teksa ka folur për tenderat që po bëhen...

Radar2 ditë më herët

Edhe Veliaj si Rama: Do të rikandidoj për mandatin e tretë në Tiranë!

Kryetari i Bashkisë së Tiranës Erion Veliaj, i ftuar në emisionin “Opinion”, u shpreh se do të rikandidojë për një...

Kryesore2 ditë më herët

Berat Buzhala: Rrëzojeni Edi Ramën. E bëri Shqipërinë vilajet të Turqisë.

Po çfarë bëri tjetër Rama? E bëri Shqipërinë vilajet të Turqisë. Nëse Berisha e priste në Tiranë Bushin, Rama i bën...

Aktualitet2 ditë më herët

Mediu në Rrogozhinë: Votoni të rikthejmë dinjitetin e humbur

Kryetari i Partisë Republikane, Fatmir Mediu, në kuadër të fushatës elektorale të zgjedhjeve të 25 prillit këtë të premte është...

Kryesore2 ditë më herët

Mario Draghi ‘zemëron’ Turqinë, e quan Erdogan diktator

ITALI– Kryeministri Italian, Mario Draghi ka zemëruar Turqinë duke e quajtur presidentin Rexhep Tajip Erdogan “një diktator” dhe duke e...

Kryesore3 ditë më herët

Regjimet i mbulojnë të vërtetat me balada si ato të grushtit të shtetit. Rama vërtet ka prekur fundin.

Rebelët e Rinasit dhe ankthi i një regjimi Dështimin e qeverisë për të arritur një marrëveshje, pas gati një viti...

Facebook