Anemia është një gjendje kur trupi nuk po merr mjaftueshëm qeliza të kuqe të shëndetshme gjaku. Qelizat e kuqe të gjakut janë përgjegjëse për furnizimin e trupit me oksigjen dhe emetimin e dioksidit të karbonit jashtë. Nëse këto procese nuk funksionojnë siç duhet, trupi ynë helmohet nga dioksidi i karbonit. Më poshtë ne do ju tregojmë shenjat paralajmëruese të anemisë.

1. Lëkurë e zbehtë

Kur trupi ynë nuk merr oksigjen mjaftueshëm ose vuan nga një numër i reduktuar i qelizave të kuqe të jakut, lëkura jonë ndryshon ngjyrë duke na bërë të dukemi më të zbehtë. Kjo vlen jo vetëm për fytyrën, por për gjithë trupin, veçanërisht duart.

2. Rrahje të çrregullta zemre

Nivelet e ulëta të hemoglobinës e bëjnë zemrën të punojë më shumë se normalisht për të pompuar gjak përmes sistemit tonë. Ajo duhet të punojë më tepër duke u përpjekur të na japë oksigjen të mjaftueshëm që mund të rezultojë në rrahje të parregullta zemre.

3. Lodhje

Nëse organet tonë nuk marrin sasinë e duhur të oksigjenit, trupi ynë duhet të punojë më shumë për të prodhuar energji të mjaftueshme për funksionimin e përditshëm dhe kjo na bën të ndihemi të lodhur.

4. Probleme me përqendrimin

Të gjitha organet tona kanë nevojë për oksigjen për të funksionuar më mirë, as truri nuk bën përjashtim. Nëse niveli i oksigjenit është më i ulët sesa nevojitet, ne nuk mund të mendojmë qartë dhe do të vuajmë nga përqendrimi i dobët.

5. Hollimi i thonjve

Nëse thonjtë tuaj janë të brishtë ose zhvillojnë forma të ngjashme me lugën, kjo mund të jetë një simptomë e zakonshme e anemisë. Thonjtë kërkojnë oksigjen për të qëndruar të shëndetshëm.

6 .Çarje në cepat e buzëve

Të gjithëve na janë tharë ose çarë buzët nga era, dielli apo temperaturat e ftohta, por anemia shkakton çarje në zona specifike, të cilat prekin cepat e buzëve.

7. Dëshirë e pazakontë për substanca jo-ushqyese

Shkencëtarët nuk kanë ende një shpjegim pse anemia shkakton këto dëshira të çuditshme, por ato më të zakonshmet janë dëshirat për papastërti, shkumës ose akull