Lori Hoxha ka folur shpesh për ankthin dhe nuk heziton asnjëherë të përgjigjet dhe kur të tjerët e pyesin.

Dje, atë e kanë pyetur në “Ask me” në Instagram lidhur me ankthin dhe këshilla se si mund ta kalojnë dhe ajo është përgjigjur duke thënë:

 “Kam plot mesazhe që më pyesin për ankthin dhe më dhemb fakti që shumë prej jush vuajnë. Sinqerisht nuk e di përgjigjen, po jetoj me të gjithashtu. Disa ditë janë të mira, disa të tmerrshme, por e kaloj ditë për ditë. Ajo çfarë më ka ndihmuar më shumë është terapia dhe të dalurit jashtë zonës sime të komfortit. Jam më shumë në ankth kur jeta ime është e qetë, gjë që duket ironike, por siç kam thënë: Terapia, ushtrimet, aktivitetet që të bëjnë të ndihesh mirë dhe ndonjëherë ilaçet (Flisni me doktorin). Gjithashtu ndërsa koha kalon e njeh më mirë trupin tënd dhe kupton çfarë të ndihmon ta kontrollosh. Jepi vetes kohë dhe mos ki frikë të kërkosh ndihmë.”