Bashkëthemeluesi dhe CEO i BioNTech Prof. Dr. Uğur Şahin ka bërë një deklaratë në lidhje me rritjen e rasteve nga Covid që është shënuar kohët e fundit në disa vende të botës.

Ai ka paralajmëruar se qytetart duhet të tregojnë kujdes nga Covid-19, pasi bota rrezikohet nga një valë e katërt.

Ai u shpreh se shqetësimi i tij lidhet me variantin indian (Delta). Varianti delta u shfaq për herë të parë në Indi dhe më pas u përhap në shumë vende të tjera.

“Varianti Delta është akoma në rritje në Britani, ku rreth 50 përqind e njerëzve kanë marrë vaksinën e tyre të dytë. Duke thënë se kjo është një arsye për të qëndruar “zgjuar” kundër virusit. Nëse nuk jemi mjaft të kujdesshëm, mund të hasim në një valë të katërt në disa rajone,” tha Sahin.