Ardhja e dimrit u pasua me një rritje të fluksit të pacientëve që paraqiteshin në spital me simptoma të gripit. Shpesh shenjat u ngatërruan edhe me Covid-19.

Mjeku Artan Simaku ka folur rreth situatës dhe ka treguar se si paraqitet gjendja me virozat e dimrit e nëse kemi të bëjmë apo jo me Covid-19.

Simaku tha për News 24 se aktualisht kemi të bëjmë me një rritje të numrit të të prekurve nga virozat e stinës, mdërsa theksoi se piku arrin në fund të muajit janar dhe në fillim të muajit shkurt.

Mjeku tregoi edhe simptomat dalluese mes gripit dhe Covid-19.

“Momentalisht situata e gripit është njëlloj si ka qenë para pandemisë, gjatë pandemisë edhe për shkak të kufizimeve gripi nuk qarkulloi dhe pati shumë pak raste viti ne dytë. Momentalisht i është kthyer qarkullimit të zakonshëm stinor, momentalisht qarkullojnë virusi i tipit A dhe tipit B. Qarkullimi është i përhapur në gjithë vendin dhe prek gjithë moshat, intensiteti është i ulët dhe ka prirje në rritje. Piku i qarkullimit arrihet në fundin e janarit dhe në fillimin e shkurtit dhe mbaron rreth muajit mars.

Tashmë kemi hyrë në fazë ne aktivitetit të zakonshëm stinor, shifrat nuk janë të larta n lidhje me gripin, por ka bashkë qarkullim të gripit dhe të Covid. Ajo që është e rëndësishme është vaksinimi. njerëzit mund të vaksinohen për të dyja viruset njëkohësisht. Përveç vaksinimit nuk duhen neglizhuar maskat, distancimi dhe higjiena për grupet me risk të popullatës.

Klinikisht nga mjekët mund të bëhet një dallim mes sëmundjeve pavarësisht se shenjat janë shumë të ngjashme. Ky dallim është temperatura dhe kohëzgjatja, gripi ka temperaturë të lartë që zgjat për 4-5 ditë dhe ka dhimbje dhe gjendje dobësie më të theksuar se covidi. Jemi në stinën ku pandemia nuk ka mbaruar akoma, vaksinimi duhet kryer për të dyja sëmundjet për të qenë më të mbrojtur”, tha Simaku.