Faza e 1/8-ve na ka surprizuar deri tani, pasi janë eliminuar ekipe si Holanda, Portugalia, apo edhe kampionët e botës, Franca. Sot luhen dy sfidat e fundit të kësaj faze dhe një tjetër emër i madh do bëj gati valixhet, pasi Gjermania dhe Anglia përballen me njëra-tjetrën.

Supersfida starton në orën 18:00 në “Wembley” dhe të dy ekpet do të kërkojnë fitoren për të kaluar në çerek-finale. Anglia doli e para në grup, ndërsa Gjermania për pak sa nuk u eliminua nga Hungaria dhe sot të dyja këto ekipe kanë shansin të tregojnë nivelin e tyre.

Që të dyja ekipet kanë probleme me disa lojtarë ku Mount, Chilwell që ishin të izoluar dhe Foden janë në dyshim për klasiken me Gjermaninë. Këta të fundit gjithashtu kanë Gosens, Gundogan dhe Rudiger me probleme fizike që mund të pengojnë aktivizimin e tyre si titullarë.

Në orën 21:00 do të luhet sfidën e fundit e fazës së 1/8-ve, Suedia- dhe Ukraina. Nordikët surprizuan shumë në grupe ku morën dhe vendin e parë por edhe bindën me lojë dhe janë më të favorizuar se skuadra e Shevchenkos. Këta të fundit u kualifikuan si ekipi i fundit nga të tretat më të mira dhe nuk kanë çfarë të humbasin.

Fituesit e dy ndeshjeve të sotme do të përballen me njëra-tjetrën në fazën çerekfinale, ndërsa tresfidat e tjera në këtë fazë janë: Itali-Belgjikë, Spanjë Zvicër, Republika Çeke-Danimarkë.