Së fundmi në rrjet dhe në mediat online përflitet se Olsi Bylyku dhe Bes Kallaku kanë pasur një zënkë bashkë. Kujtojmë se dy aktorët janë miq shumë të mirë dhe Olsi nuk e ka mohuar kurrë se ka qenë Besi ai që e ka përkrahur për të nisur rrugëtimin e tij fillimisht në “Portokalli”.

Por po përflitej për një zënkë mes dy miqve ku sipas këtyre thashethemeve, Olsi refuzoi kërkesën e Besit për t`ju bashkuar në emisionin “Kosherja” në ABC News.

I ftuar sot në “Abc e Mëngjesit”, Besi sqaroi më në fund për publikun situatën duke treguar se në fakt s’ka pasur asnjë zënkë mes tyre. 

“Secili ka zgjedhjet e veta në jetë dhe mund të marri atë që do. Të gjithë aktorët e ‘Kosheres’ në shtator janë në nivel të secilit prej aktorëve apo kolegëve të mi.”