Nga Uembli Italia kthehet si kampione Europe. Italianët ia dolën me penallti të fitojnë turneun, me Donarumën që bëri heroin.

Anglia e nisi mirë dhe e gjeti veten në avantazh pas dy minutash. Dy mbrojtësit e krahut krijuan një gol që e vuri në gjumë Anglinë. Ishte Bonuçi që barazoi më pas në të dytën duke përfituar nga një top i palarguar nga zona e vogël e “tre luanëve”.

Shtesat prodhuan shumë pak, për të mos thënë asgjë. Në fund, trajneri i Anglisë Sauthgejt fut në lojë Rashford dhe Sanço për t’i pasur gati për goditjet e penalltive, dhe ishin pikërisht ata të dy që humbën nga një penallti.

Kronologjia

23:55- Italia fiton Europianin me 11-metërsha. Ky është trofeu i 2të kontinental për ta.

Beloti humbi penalltinë e dytë për Italinë, Rashford të tretën e Anglisë. Më pas Donaruma i priti penalltinë Sanchos. Jorginjo e humbi gjithashtu. Në fund Donaruma priti goditjen e Saka dhe çoi në delir kombin e tij.

23:40 Mbyllet 120 minutëshi i lojës. Rradha e penalltive.

23:20 Mbyllet pjesa e parë e shtesës. Rezultati 1-1.

23:00-Në Uembli është mbyllur koha e rregullt e finales së Europianit. Anglia udhëhoqi fillimisht që nga minuta e dytë. Goli erdhi pasi krosimi i mbrojtësit të djathtë Trippier gjeti të lirë në shtyllën e dytë, mbrojtësin e majtë Luke Shaw.

Në pjesën e dytë Italia gjeti forca dhe barazoi me Bonuccin në të 65-tën.

*Minuta 1:57 – Goli i Luke Shaw ishte goli më i shpejtë ndonjëherë në finalen e Kampionatit Evropian, si dhe i pari i tij për ekipin kombëtar të Anglisë.

Formacionet zyrtare:

Italia: Donnarumma; Di Lorenzo, Chiellini, Bonucci, Emerson; Verratti, Jorginho, Barella; Chiesa, Immobile, Insigne

Anglia: Pickford; Walker, Stones, Maguire; Trippier, Phillips, Rice, Shaw; Mount Kane, Sterling