Me nisjen e sezonit veror, Ledina Çelo ka ngritur temperaturat duke publikuar në rrjetet e saj sociale foto me anë të të cilave tregon se është në super formë fizike.

Këngëtarja prej disa javësh është kthyer nga Gjermania dhe po shijon pushimet në jug të Shqipërisë, nga ku ka shkrepur edhe imazhet në të cilat shihet mjaft seksi, teksa pozon me bikini.

Por e dini se kush është personi që fshihet pas këtyre fotove? Bëhet fjalë pikërisht për vajzën e artistes, Periana, me të cilën po i kalon pushimet.

“Burri njëherë ka hequr dorë. Tani mu rrit edhe goca. Dje madje i thashë ‘mami do më bësh një foto se do të jap një çokollatë’. Sa i dhashë një çokollatë, ‘uuuhh’ tha, ‘të bëj dhjetë’”,- tregoi Ledina.

Ajo zbuloi gjithashtu se djali, Erlisi, ka zgjedhur që këtë verë të mos e kalojë me të ëmën, e kjo gjë e ka mërzitur jo pak Ledinën.

“Djali më ka mërzitur pak këtë herë. Është rritur në fakt dhe e shikoj që, si i lindur në Gjermani, ka krijuar shoqërinë e tij, miqësitë e tij dhe më thotë ‘mami, ik ti, se e di që ke qejf të kalosh sa më gjatë pushimet atje. Unë do rri. Më lër pak, 3 javë, jo më shumë’. Ata sigurisht që duan, kur shohin mamin e lumtur, patjetër që e pëlqejnë, e duan jugun…”,- tha këngëtarja.

Ndërkohë, Çelo publikoi mbrëmë në Instastory disa foto të vjetra të vetes. Në njërën prej tyre, këngëtarja shihet e veshur me një fustan të bukur, teksa në sfond dëgjohet të thotë se kjo foto është realizuar kur ka qenë vetëm 19 vjeç.

Në një imazh tjetër, ajo shihet duke pozuar mbi një makinë.

“26 vite më parë. Sipër makinave si gjithmonë”,- tha ajo.