Këngëtarja shqiptare me famë botërore, Bebe Rexha ka dhuruar 10 mijë dollarë për Spitalin e Dibrës në mënyrë që plotësohet me furnizimet e nevojshme.

Në një postim në Instastory, Bebe Rexha i ka bërë thirrje të gjithë shqiptarëve që e ndjekin në rrjetet sociale, të ndihmojnë Spitalin e Dibrës duke dhuruar.

“Për të gjithë shqiptarët e mi dhe dibranët ju lutem ndihmoni. Nuk ka mjaftueshëm furnizime. Ju lutem ndihmoni duke dhuruar. Çdo gjë ndihmon. Ju lutem ndihmoni, nuk ka mjaftueshëm furnizime”, shkruan këngëtarja në postimin e saj.Postimi i këngëtares

Bashkangjitur postimit këngëtarja ka shtuar edhe linkun ku çdokush mund të aksesoret për të dhur5uar para online për spitalin. Deri tani, në llogari janë mbledhur afro 33.280 dollarë, nga të cilat 10 mijë dollarë janë dhuruar nga artistja.

Kjo nuk është hera e parë që këngëtarja shqiptare ndërmerr një nismë humane ndaj popullit shqiptar. Pas tërmetit shkatërrues të 26 Nëntorit, Bebe Rexha iu erdhi në ndihmë të prekurve nga tërmeti, duke ndërtuar shtëpinë e dëmtuar të një familjeje në Bubq.