Para dy ditësh është publikuar një pjesë nga ajo çfarë pret shikuesit dhe fabsat e “La Casa de Papel”, në volumin e dytë të sezonit të 5-të, që është dhe sezoni final.

5 pjesë të tjera na presin me datën 3 dhjetor dhe pas vdekjes së personazhit kryesor, Tokyo-s, që është dhe narratorja e gjithë serialit që prej pjesës së parë të sezonit 1, fansat janë ndjerë të zhgënjyer, por pikërisht këtu nis aksioni dhe momenti i ndarjes së personazheve me njëri-tjetrin, por edhe me publikun.

Para dy ditësh, u publikua një monolog i Tokyo-s, i cili duket edhe si një fjalim lamtumirë dhe një fjalim nxitës për të dashurit e saj të zemrës që ka lënë pas, për të dashurin Rio dhe gjithë skuadrën, por që kujton edhe ata që ndërruan jetë gjatë të gjitha sezoneve.

“Rio… Rio im”- i drejtohet Tokyo të dashurit të saj, i cili po vuan vdekjen e saj.

Në fund, Tokyo e mbyll narratimin teksa thotë:

“Ari na bashkoi neve njëherë, dhe nuk do të na ndajë kurrë më sërish, çfarëdo që të ndodhe . Sepse sa herë na ndajnë, ne kthehemi edhe më të fortë. Sepse, mos e harroni kurrë, jemi bashkë dhe do të jemi: Rezistenca.”

“Deri sa vdekja të na bashkojë.”