Radar
Nuk ndalet Nusreti, hapja e restorantit të ri në Londër ka sjellë reagime negative, fatura e një personi kushtoi 1.812 paund!
Restoranti i ri i kuzhinierit të famshëm, Salt Bae, në Londër është hapur por edhe është goditur nga kritikat e shumta. Edhe pse ‘Steakhouse Nusr-Et’ në Hotel Park Tower është bërë një magnet për publikun për shkak të dekorimit të lartë estetik dhe menysë origjinale që ofron, ajo ka shkaktuar shumë reagime negative për shkak të çmimeve të larta të pjatave dhe jo vetëm.
Fatura pre 1,812 paund e një klienti është bërë virale në internet dhe arsyeja nuk janë pjatat që ai zgjodhi, por çmimet, të cilat edhe në pijet e buta, po rriten.
“44.44 për 4 Red Bull?”, pyesin përdoruesit e internetit.
Siç pritej, lista e çmimeve të restorantit ka ngjallur shumë reagime negative, pasi publiku argumenton se duhet të ketë gjithmonë një vijë të hollë mes cilësisë dhe lakmisë, dhe shumë flasin edhe për një kuzhinier “të mbivlerësuar”, i cili fitoi famë përmes një truku të thjeshtë që ai e përdor për të kripur ushqimin.
Përdoruesit e Twitter, nuk e lanë fotografinë e zënë me faturën dhe u kujdesën jo vetëm të paraqisnin mendimin e tyre, por të “gjykonin” Salt Bae. Natyrisht, specialiteti i famshëm i dyqanit, bifteku një kilogram i mbuluar me fletë ari, i cili kushton 700 paund, nuk i shpëtoi “syrit vigjilent” të tyre, duke deklaruar se edhe fluturimi për në Londër është më i lirë se ky.
Sigurisht, kuzhinieri i famshëm turk ka vërtetuar shumë herë se nuk ndikohet nga kritikat e këqija dhe se “kuzhina e tij ia vlen paratë”.
