Lideri historik i PD-së paraqiti sot para demokratëve të Beratit planin që ka për rikthimin e kësaj force politike në fitimtare. Sipas Berishës është parqësore që të ndryshohet statute dhe partia të hapet ndaj fraksioneve, duke u dhënë hapësirë të gjithë zërave kritikë brenda saj.

Madje Berisha theksoi në fjalimin e tij nga Berati se do ta kthejë PD-në në një parti model, tipike konservatore. Një shigjetë e drejtpërdrejtë kjo për Bashën, i cili në gjithë këto vite e ktheu PD-në e djathtë në një parti që më së shumti i ngjason politikave të majta, duke braktisur elektoratin tradicional.

“Do e mbledhim Kuvendin e do bëjmë ndryshime thelbësore në status. Do të hapemi drejt fraksioneve, do të bëjmë gjithçka që të vijnë ata të cilët kanë vendosur një tullë në këtë godinë dhe në këtë parti. Do të bëjmë një forcë politike model, konservatore’, u shpreh Berisha.

Pra qartësisht plani i Berishës është për një PD fitimtare brenda pak kohësh, ku hapi parë është pikërisht hiurrja e Kuvendit, shkarkimi i Bashës e më pas kthimi i partisë në shinat e konservatorizmit.

Në çdo takim Berisha e ka theksuar me bindje se Foltorja është për bashkimin e demokratëve. Dhe me modelin e primareve që kërkon të përfshijë në parti, ish-kryeministri po sjell një model krejtësisht të ri për partitë tona, duke i dhënë vend primar meritokracisë dhe jo të preferuarve të kryetarit sic ka ndodhur këto 8 vite me Bashën.

Po ashtu plani i Berishës përfshin edhe pranimin e të gjitha fraksioneve, duke u dhënë zë brenda partisë të gjithë atyre që mendojnë ndryshe. Në gjithë këto vite, kjo ka munguar. Basha ka ndjekur politikën e përjashtimit të kritikëve, ku vendimi më skandaloz padyshim mbetet ai i zgjedhjeve të 2017-ës ku me një të rënë të lapsit hoqi nga partia njerëz me contribute të rëndësishme.

Nga ana tjetër doktori me sa duket e ka të qartë plotësisht skemën që do të ndiqet për rikthimin e PD-së në pushtet. Dhe për këtë ripërsëriti edhe një herë sot para demokratëve se sapo të zgjidhin problematikat e brendshme, Edi Rama dhe mazhoranca e tij do të përballen me protestat me të fuqishme që ka parë vendi. Pasi sipas Berishës një pushtet që ka vjedhur votën, do mund të mundet vetëm përmes përballjes.