Sot shënohen 11 vite që nga momenti kur Këshilli Europian hoqi vizat për qytetarët shqiptarë. Vendimi që u mor më 8 nëntor 2010 hyri në fuqi më 15 dhjetor të atij viti.

Nga viti 2010 shqiptarët mund të udhëtojnë drejt vendeve të Shengenit pa pasur nevojë për vizë afatshkurtër. Ishte Komisioni Europian që bëri propozimin dhe që është i autorizuar të vlerësojë çdo vit zbatimin e marrëveshjes.

Në raportin e tij të fundit, Komisioni deklaroi se Shqipëria i ka përmbushur detyrimet, duke propozuar ruajtjen e këtij regjimi. Por gjatë viteve të fundit kanë qarkulluar lajmë që Shqipëria rrezikon t’i hiqen vizat.

Sakaq, prej kohësh po kërkohet dhe liberalizimi i vizave për qytetarët e Kosovës. Pavarësisht kërkesave, ardhur dhe nga diplomatë të BE-së, vendimi për Kosovën ende nuk është marrë.