Mix
ABBA tejkalon Ed Sheeran
Rikthimi i grupit “ABBA” ka qenë mjaft i suksesshëm dhe tashmë po thyen edhe rekorde – si ai në Mbretërinë e Bashkuar. Albumi i tyre është bërë albumi më i shitur në katër vjet, vetëm gjashtë ditë pasi u publikua. Grupi u rikthye me albumin e tyre të nëntë dhe të fundit më 5 nëntor, me shifrat e shitjeve që sugjerojnë se ai ka tejkaluar me shpejtësi çdo version tjetër aktual – mes tyre ai i Ed Sheeran.
Albumi i pestë i Ed Sheeran ka qenë në treg për t’u blerë që nga 29 tetori dhe aktualisht është në vendin e parë në tabelën e albumeve në Mbretërinë e Bashkuar, por pritet të hiqet nga ABBA kur tabela të përditësohet më 12 nëntor.
Ndërsa Sheeran shiti 139,000 kopje në vetëm shtatë ditë, “Voyage” albumi i parë me material origjinal i ABBA që nga viti 1981 ka shitur 181,712 kopje për një periudhë më të shkurtër kohore.
Pop-grupi suedez i kënaqi fansat kur njoftuan se po ktheheshin me një koncert revolucionar dhe një album të ri.
“Voyage” është albumi i nëntë në studio i ABBA dhe vazhdimi i “The Visitors”, i cili kishte qenë albumi i fundit i grupit kur u publikua në vitin 1984.