Megjithëse ka shumë fansa dhe këngët e saj dëgjohen shumë, Fifi shpesh herë “e humbet” modestinë dhe nuk ia kursen vetes që të bëjë dhe kritikuesen e artistëve e muzikantëve të tjerë.

Në shtëpinë e “Big Brother Vip”, Fifin po e shohim në dimensione të ndryshme dhe deri tani, ka pasur shpërthime të shumta dhe debate të agravuara me disa nga banorët.

Këto ditë, në BBV po realizohet prova javore, ku banorët në çifte kërcejnë  këngë nga më të ndryshmet. Çifti Kledi-Arjola kanë vallëzimin e tyre nën ritmin e këngës së Yll Limanit.

Teksa kënga e Yllit jepej në sfond për çiftin Arjola-Kledi, Fifi është shprehur se nuk i pëlqejnë të gjitha këngët e tij. Ajo madje u shpreh se ai veç i ndërron fjalëve vendin në këngët e tij.

“Nuk më pëlqejnë të gjitha këngët e Yllit, ia kam thënë edhe atij. Sikur fjalëve veç ua ndërron vendin”,- u shpreh Fifi.