Sport
Telashet nuk mbarojnë, Ronaldinho sërish pas hekurave
Problemet me drejtësinë nuk kanë të sosur me ish-yllin e kombëtares braziliane, Ronaldinjo. Pak kohë pasi ka fituar lirinë, legjenda e Barcelonës mund të rikthehet përsëri prapa hekurave.
Ish-sulmuesi, i cili përfundoi në burg në vitin 2020 në Paraguai për falsifikim pasaporte, rrezikon të kthehet sërish brenda.
Këtë herë problemet e tij janë me drejtësinë në Brazil dhe për detyrimet e pashlyera të tij kundrejt ish-bashkëshortes së vet, Prishila Koeljo.
Sipas “Extra”-s, një gjykatë në Rio de Zhaneiro i ka dhënë kohë deri më 11 dhjetor Ronaldinjos që t’i shlyejë detyrimet financiare (kuotën e ushqimit) ish-gruas së tij. Në të kundërt rrezikon të përfundojë përsëri në burg.
Detyrimet e tij ndaj ish-bashkëshortes në fakt qesharake, sepse bëhet fjalë për 100 mijë reais (monedha braziliane) ose rreth 16 mijë euro.
