Në foto/ Mullaraj dhe Matteo Salvini

E njohur si ‘zonja e drogës’, Jona Mullaraj, 36-vjeçarja me origjinë shqiptare,  ishte aktiviste e luftës kundër drogës. Ajo shfaqej rregullisht krah përfaqësuesve të Ligës Veriore, si një militante e rregullt që paraqitej në çdo takim.

Mediet italiane, raportuan dy ditë më parë sekuestrimin e 450 kg drogë në Brianza të Milanos, sasi kjo që transportohej nga banda e Mullarajt, të cilën e njihnin si ‘gruan që mbante çelsat e garazhit’ ku fshihej edhe lënda narkotike.

E tradhtuar nga bashkëpunëtori i bandës, Mullaraj ra në prangat e karabinierëve.              

Jona Mullaraj është një fytyrë e njohur mes politikanëve në Saronno. Edhe para pandemisë, kur këshillat bashkiakë ishin të hapura për qytetarët, ajo nuk i mungonte asnjëherë publikut dhe shpesh përpiqej të fliste në seanca të hapura. Simpatia e saj për Lidhjen ishte e njohur për të gjithë. Mullaraj shfaqej jo pak herë edhe krah politikanëve si Matteo Salvini.

Krahas asaj me drejtuesin e Carroçio-s, është edhe fotoja e realizuar në krah të presidentit të Rajonit të Lombardisë Attilio Fontana. Nga ana tjetër, ai që e përjetëson me nënkryetarin e bashkisë së Ceriano Laghetto Dante Cattaneo, i njohur si një politikan që ka luftuar gjithmonë kundër trafikut të drogës.

Një militante e Lidhjes së Salvinit, për të luftuar trafikun e drigës, Mullaraj ra ‘lehtësisht’ në pranga e futur në grackën e partenrit të saj në shpërndarje. Mullaraj njihej si udhëheqësja e grupit të shpërndarjes.

Banda e saj ra në kurthin e karabinierëve pas disa muajsh hetime. Bashkë me Mullarajn, u arrestuan edhe katër anëtarë të tjerë të bandës.