Ish kryeministri Sali Berisha ka zbuluar planin që fshihet pas vendimit të DASH për shpalljen e tij non grata.

Gjatë fjalës së tij me shqiptarët në Florida, Berisha u shpreh se plani ishte që PD të kthehej në një parti partnere me PS, por që ai e ka refuzuar kategorikisht.

Ai shtoi se betejën me sekretarin Antony Blinken e ka personale dhe do të përballet në gjykatë, ku dhe e ka paditur për shpifje.

“Në listën e të shpallurve non grata nuk gjeni asnjë njeri që të mos ketë pasur asnjë akuzë të vetme për korrupsion. Unë u shpalla non grata për një arsye madhore.

Tre javë pasi partia që unë mbështet humbi zgjedhjet. Plani ishte që kjo parti të shndërrohe në partnere e PS. Unë nuk mund ta lejoja këtë gjë. PS është partia e narkoshtetit. Sot ajo është në vendin e dytë për rryshfetin. Nëse ky vend humbet edhe opozitën, kjo do ishte një gjë e madhe për të. Për të gjithë këto, nga Shqipëria janë larguar 520 mijë shqiptarë. Me politikat e ndjekura nga politika shqiptare. Këto ishin arsyet pse unë u shpalla non grata. Megithatë, unë vendosa t’i drejtohem me një herë gjykatës dhe hodha në gjyq për shpifje sekretarin e shtetit që kishte firmosur vendimin. E mbajta një ccëshje personale dhe kërkova që askush të mos mbante përgjegjësi për këtë”,tha Berisha.