Jennifer Lopez duket shumë e lumtur në krah të dashurisë së vjetër, Ben Affleck. Të ftuar në emisionin “Jimmy Kimmel Live”, ata u shfaqën në xhirime me veshje të përditëshme: Ben Affleck me pallto moderne ngjyrë bezhë, këmishë ngjyrë blu të çelët e pantallona blu, Jennifer me rroba trendi.

Ajo kishte veshur një triko gri me fije të shndritshme dhe shall pambuku me vija rreth qafe, ndërsa pallton e kishte ngjyrë blu të çelët.

Deri këtu mirë, por ndjekësve nuk i kanë pëlqyer xhinset e artistes. 52-vjeçarja mbante xhinse balonë, me prerje të gjerë të frymëzuara nga stili i viteve ’80.

Xhinset ‘balloon’ kanë qenë të njohura dy sezonet e fundit dhe ndërkohë që influencueset i adhurojnë dhe i beljnë me kënaqësi, besniket e klasikes nuk i duan, e duket se as meshkujt nuk i preferojnë shumë!