Sindromi ovarian polycystic, i njohur ndryshe si PCOS, është një problem shëndetësor që prek shumë gra dhe sipas gjinekologëve e gjitha kjo vjen si rezultat i një çekuilibri hormonal.

 
Ndonëse këto ciste nuk janë të dëmshme, ato çojnë në çekuilibrime të hormoneve të cilat mund të shkaktojnë rrallim të periodave ose shtim të tyre, akne, rritje qimesh në vende jo të zakonta për femrat si nën mjekër dhe shtim në peshë.
Është shumë e rëndësishme që këtë problem shëndetësor ta kuroni në kohë në mënyrë që cistet mos të krijojnë komplikime afatgjate si diabeti i tipit 2 dhe sëmundjet e zemrës.

 
Simptomat e sindromës ovarian polycystic mund të shfaqen tek një grua në çdo kohë nëse asaj i ka ardhur cikli e më poshtë Living do të listojë të gjitha shenjat që paralajmërojnë që ju mund të vuani nga ky sindrom.

 
1. Cikle menstruale të parregullta
Kjo është një nga shenjat më të zakonshme të PCOS.
2. Qime në zonën e mjekrës, fytyrës apo gjoksit
3. Luhatjet e humorit, ndjenja e ankthit apo depresionit pa shkak mund të jetë gjithashtu shenjë e sindromit policistik
4. Puçrra fytyre
PCOS gjithashtu mund të shkaktojë aknet ose lëkurë shumë të yndyrshme. Puçrat mund të jenë shumë të thella dhe të dhimbshme.
Trajtimi i PCOS është i ndryshëm për të gjithë,ndaj mos u mundoni të vetkurohuni por konsultohuni me mjekun për çdo trajtim.