nga AgroWeb

Temperatura e lartë mbi 37°C tregon gjithnjë që në organizmin e njeriut ka diçka që nuk shkon. Foto:Flickr

Temperatura e lartë mbi 37°C tregon gjithnjë që në organizmin e njeriut ka diçka që nuk shkon.

Së fundmi, në listën e problemeve të ndryshme që manifestohen me temperaturë është shtuar edhe virusi COVID-19.

Pavarësisht problemit apo infeksionit ka disa masa që secili prej nesh mund të marrë për të lehtësuar barrën e organizmit.

Në këtë artikull të AgroWeb.org do të mësoni për listën e gjërave që secili prej nesh nuk duhet të bëjë kur ka temperaturë.

Pijet e Ndaluara

Pijet alkolike, ato të gazuara dhe me kafeinë duhen shmangur plotësisht nëse keni temperaturë.

Ato shkaktojnë dehidratim dhe kur kemi temperaturë trupi ka nevojë vetëm për ujë.

Burrat dhe djemtë duhet të pijnë deri në 3 litra ujë në ditë ndërsa gratë dhe vajzat mbi 2 litra në ditë.

Veshjet e Trasha

Gjatë etheve dhe temperaturës së lartë, nuk duhet ta teproni me veshjet dhe batanijet.

Organizmi nuk ka nevojë për një burim tjetër nxehtësie sepse temperatura do të përkeqësohet.

Barnat

Ilaçet e grupit Acetaminophen (Paracetamol, Panadol, Tylenol, etj.)  janë përgjithësisht efikase në trajtimin e temperaturës.

Megjithatë, kjo nuk do të thotë që të shtoni dozat e ilaçeve sepse mund të shkaktoni dëme serioze në mëlçi.

Të rriturit nuk duhet të marrini mbi 1,000 mg paracetamol në një herë të vetme ndërkohë që kufiri ditor është 2,000 mg.

Për fëmijët, doza duhet të jetë më e ulët dhe gjithnjë në konsultë me pediatrin.

Fëmijëve dhe minorenëve nuk u duhet dhënë aspirinë sepse mund të jetë fatale.

Oreksi

Temperatura e lartë e përshpejton metabolizmin, çka do të thotë se organizmi ka nevojë për më shumë kalori nga ushqimet.

Nëse ju nuk konsumoni ushqime me pretendimin se u ka ikur oreksi, do të dëmtoni më shumë sistemin imunitar.

Gjumi

Sistemi imunitar shpenzon shumë energji për të luftuar një infeksion gjatë ditës.

Kur njeriu është në gjumë, trupi ka të gjithë kohën e duhur për tu rimëkëmbur.

Mungea e gjumit nxit kohëzgjatjen e infeksionit apo sëmundjes.

Sasia e rekomanduar e gjumit është 7 deri në 9 orë.

Dushi Me Ujë Të Ftohtë

Uji i ftohtë mund të ulë temperaturën por për një afat shumë të shkurtër dhe më pas të shfaqen ethet.

Muskujt dhe trupi dridhet sepse përpiqet të rikthejë temperturën normale.

Në vend të ujit të ftohtë, ekspertët këshillojnë banjë me ujë të ngrohtë, por jo shumë të nxehtë.

Mos u Panikos

Fakti që mund të kesh temperaturë në këto kohë, nuk do të thotë patjetër se je infektuar me COVID-19.

Temperatura shfaqet si pasojë e një infeksioni bakterial por edhe virozash.

Konsultohuni me mjekun për simptomat dhe mos u panikoni./AgroWeb.org