Të gjithë e mbajnë mend se aksionin e parë spektakolar dhe të transmetuar live në TV të Edi Ramës, menjëherë pasi erdhi në pushtet në vitin 2013.

Një ndërtim luksoz i ngritur gati brenda në det në Ujin e Ftohtë në Vlorë, u hodh në erë me tritol nga xhenierët e ushtrisë.

Ishte pallati i vjehrrit të Lulzim Bashës, Xhaferr Isufi, i cili sapo ishte bërë kryetar i Partisë Demokratike pas dorëheqjes të Sali Berishës nga ai post.

Pallati në fakt ishte me letra të rregullta pavarësisht se zyrtarët që i kishin dhënë ato, socialistë (bashkia) e demokratë, kishin shkelur disa ligje.

Por menjëherë pas shembjesh pala që kishte investuar paratë e pallatit, pra vjehrri i Bashës, e dërgoi çështjen në Gjykatën e Strasbugut e cila vendos vetëm mbi letrat zyrtare.

Meqenëse çdo gjë nga pikëpamja formale ishte në rregull, kjo gjykatë në muajin janar të vitit 2018, mori vendim kundër qeverisë shqiptare dhe e gjobiti me një shumë prej 13 milionë euro të cilat duhet të paguhen si dëmshpërblim, për Xhafer Isufin dhe firmën e tij.

Në atë kohë u përfol se këto 13 milion euro ishin pjesë e paktit të fshehtë, Rama-Basha, të 17 majit 2017. Sipas kundërshtarëve të Bashës Rama i kishte premtuar Bashës, se nëse Gjykata e Strasbugut do të vendoste pro vjehrrit të tij, dëmshpërblimi do të lëvrohej direkt nga ministria e Financave.

Madje akuzatorët e kreut të PD, shkuan edhe më tej.

Sipas tyre Avokati i Shtetit i cili mbron qeverinë shqiptare në çështje të tilla në Strasburg, me urdhër të Ramës (pas paktit të 17 majit 2017) nuk bëri asnjë lëvizje domethënëse për të fituar çështjen mes shtetit shqiptar dhe Xhafer Isufit.

Gjithsesi të gjitha këto hamendje dhe konspiracione tani 3 vite pas vendimit të Gjykatës në Strasburg, bien poshtë: Vjehrri i Bashës 3 vite pas vendimit, ende nuk ka marrë asnjë cent nga shteti shqiptarë i cili rrezikon të dënohet sërish nga Strasburgu. Shuma e madhe ka mbetur peng në duart të Edi Ramës.

Së fundi gazetari i njohur në fushën e Ekonomisë, Klodian Tomori ka dhënë disa detaje interesante për këtë çështje:

Në janar të vitit 2018, Gjykata e Strasburgut, e dënoi Shqipërinë me 13 milionë euro për prishjen e pallatit tek Uji i Ftohtë në Vlorë, ku ishin aksionierë vjehrri i Bashës dhe Avokatja e Popullit.

Në 31 gusht po 2018, Ministria e Drejtësisë dhe Avokatja e Shtetit i dërgojnë shkresë zyrtare Ministrisë së Financave duke i kërkuar të ekzekutonte vendimin për të paguar 13 milionë eurot e gjobës.

Arben Ahmetaj i përgjigjet po me shkresë zyrtare ku thotë; “prisni njëherë se jemi pak ngushtë me buxhetin këto kohe. S’kemi fonde”

Avokatura e Shtetit ripërsërit kërkesën, duke sugjeruar që paratë të paguhen nga Fondi Rezervë i Këshillit të Ministrave. Por ministria e Financave, prapë nuk pranon. Pas shumë këmbime shkresash, Ahmetaj, shpik një skemë tjetër për ta zvarritur edhe më shumë pagesën. Propozon shlyerjen, me këste për disa vjet.

Grupi i pronarëve, refuzon që të paguhen me këste. Fillon prapë loja e shkresave. Por Ministria e Financave, prapë nuk lëshon pe.

Pas Ahmetajt, në krye të financave vjen Anila Denaj. Sërish Ministria e Drejtësisë dhe Avokati i Shtetit i kërkojnë ministres së re të paguaje parat. Por as Anila Denaj, nuk paguan.

Ikën tre vjet me këtë histori. Vitin e kaluar shkresa i shkon Ramës; Duhet të paguajmë pallatin e Vlorës se po na bën presion KE-ja. Por edhe Rama përgjigjet; prisni njëherë prisni…

Si përfundim lekët vjehrrit të Bashës, nuk ia kanë dhënë akoma këta. Qeveri e korrupsionit dhe krimit të organizuar!

Duket qartë se refuzimet e prera dhe shmangiet që kanë bërë ministrat e financave për këtë pagesë, kanë qenë të urdhëruara nga vetë kryeministri Rama, i cili edhe vetë kur i ka shkuar në tavolinë problemi, ka refuzuar.

Një pyetje e thjeshtë lind në këtë rast:

Cila është arsyeja që Edi Rama i mban peng 13 milion eurot e Vjehrrit të Lulzim Bashës?!