Radar
Foto/ Realiteti në Kukës ndryshe nga çfarë e paraqet Safet Gjici
Problematikat e rrugëve si të qytetit, por dhe ato të bllokuara në Kukës janë kthyer në një problem për banorët e zonës. Pamjet e nxjerra së fundmi nga “News Kukësi Meta” tregojnë rrugët e pashtruara të qytetit, mbeturinat që digjen në koshat e plehrave dhe akset e bllokuara nga bora.
Nga ana tjetër, nëse shikojmë faqen zyrtare të Bashkisë Kukës promovohet një realitet tjetër. Kryebashkiaku Safet Gjici kujdeset të mos tregojë problematikat e zonës, por tregon se bashkia që drejton kujdeset për zhbllokimin e rrugëve, asfaltimin e tyre, etj.
Jo rallë herë kanë qenë komentuesit që i janë kundërvënë, duke e cilësuar propagandë, realitetin që paraqet Gjici në rrjetet sociale. Dhe pse vazhdimisht ai prononcohet se të gjitha rrugët janë të kalueshme, pamjet që qarkullojnë në rrjet tregojnë të kundërtën.
