Nga Dr. HASAN BELLO

Në një intervistë që major Abas Kupi do të japë për gazetën “Shqipnija” në vitin 1944, me rastin e pesëvjetorit të agresionit italian të 7 prillit, deklaron se kur Mbreti Zog i kishte dhënë komandën për mbrojtjen e Durrësit, e urdheron prerazi: “Porsa të shkelë kamba e ushtarit italian në tokën shqiptare, do të japish menjëherë urdhnin e zjarrit.

Ne rast se, ma vonë, ju do të merrni një urdhën të dytë nga unë, me gojë ose me shkrim, këtij urdhni të dytë, duhet të mos i bindesh”.

Kështu veprova dhe unë,-vazhdon Abas Kupi,-dhe u mundova me ba detyrën e ushtarit dhe patriotit që e do megjith zemër atdheun e vet.

Kjo ditë i kujtonte me mallengjim shokët e tij, me kapter Mujo Ulqinakun, që ranë dëshmorë në kryë të detyrës për mbrojtjen e Shqipërisë.