Këngëtari i njohur Robert Berisha ka festuar 44-vjetorin e lindjes më 28 janar.

Në një intervistë të dhënë së fundmi për “Panorama Plus”, këngëtari tha se ndihet si një 21-vjeçar, teksa ka shtuar se mosha për të është thjesht një numër.

“Mosha për mua është vetëm numër… Unë ndihem si 21-vjeçar. ‘Robi plaket kur do vetë’ është një këngë e vjetër dhe shumë e bukur”, u shpreh ai.

Lidhur me sekretet e rinisë, Roberti zbulon se përveç genit të mirë, mban edhe një regjim të rregullt dhe bën gjithmonë palestër.

Kujtojmë që Robert Berisha ishte i ftuar para disa ditësh në “Talk Love Story”, ku nuk i shpëtoi protagonizmit me një skenë që u bë virale në rrjetet sociale kur shkëmbeu një puthje me konkurrenten Kleona.