Drama e cila zhvillohet sot në Tiranë me banorët, ndaj të cilëve qeveria sillet si pushtuese, është dramë që ka në bazë vjedhjen dhe mashtrimin.

Ish-kryeministri Sali Berisha ka mbërritur në Kuvend. Ai ka dhënë një pronocim për gazetarët, ku sërish ka dënuar sjelljen e autoriteteve ndaj banorëve që po u shemben shtëpitë.

Qytetarët e disa zonave që preken nga projekti i rindërtimit dhe “Unazës së Madhe” kanë protestuar sërish sot para Parlamentit dhe tashmë e kanë zhvendosur para ambasadës amerikane.

Berisha hodhi akuza ndaj Bashkisë Tiranë dhe qeverisë, ndërsa shtoi se projektet kanë në bazë vjedhjen dhe mashtrimin. Sipas tij, nuk ka një marrëveshje mes banorëve dhe bashkisë.

“Drama e cila zhvillohet sot në Tiranë me banorët, ndaj të cilëve qeveria sillet si pushtuese, është dramë që ka në bazë vjedhjen dhe mashtrimin. Unë kam studiuar me vëmendje dokumentin që u ofrohet banorëve. Është absolutisht fund e krye mashtrimi. Ai nuk përbën marrëveshje, pro thjesht një akt vetëdeklarimi para noterit.

Ndërkohë që një marrëveshje mes palëve kërkon firmën e të dy palëve dhe noterizimin e këtij dokumenti. Kërkon firmën e titullarit, lal Plehut, ose personit të autorizuar.

Një territor iu jepet disa kompanive për t’u zhvilluar. Në të gjithë Tiranën kompanitë kanë zhvilluar territorin në marrëveshje individuale dhe ju nuk keni parë protesta të kësaj natyre. Përse ndodh këtu? Sepse është dora e zezë e vjedhjes së qeverisë. Këtu nuk lejohet që atë që do u jepet banorëve në përqindje të madhe e përvetëson qeveria dhe bashkia dhe zhvilluesve nuk iu mbetet fitimi i nevojshëm”, deklaroi Berisha.