Beatrix Ramosaj ka komentuar debatin e ashpër mes aktorit Donald Veshaj dhe balerinit Ilir Shaqiri në shtëpinë e ‘Big Brother VIP’.

E ndodhur në studio teksa transmetohej spektakli i Big Brother VIP, Trixa tha se Iliri di pikat e dobëta të Donaldit dhe po i përdor që ta bëjë të ndihet keq.

Me këto fjalë, këngëtarja la të kuptohet se ajo është një nga pikat e dobëta të Donaldit.

“Në këtë pikë të lojës Iliri po i sjell muhabetet e vjetra, di pikat e dobëta të Donaldit, duke më përfshirë edhe mua po përdor të gjitha për ta bërë të mos ndihet mirë ose të hapi debate. Edhe nga banorë të tjerë e kam vënë re këtë gjë, aty në lojë çfarë nuk po thonë!”- u shpreh Beatrix.

Mes Ilirit dhe Donaldit nuk kanë munguar debatet dhe ironitë. Balerini është shprehur se kur rihapen diskutimet e të kaluarës, Donaldi del jashtë çdo parametri.

Aktori ka shtuar se nuk ka dashur asnjëherë që ta lëndojë Ilirin.