Zgjedhje miq!

Zgjedhje miq! – Koment nga Ardit Haxhija

https://www.podiumi.com/ media online prej vitit 2016

As një muaj nuk na ndan nga zgjedhjet e ardhshme për pushtetin vendor në disa nga bashkitë e vendit.

Dy bashkitë më të zjarrta që do përdoren dhe si kalë beteje për pas zgjedhjet janë Shkodra dhe Durrësi.

Kurioziteti për të parë se cilin kandidat do votoj, më bëri t’i hedh një sy faqeve të tyre perkatëse.

Sigurisht do ishte habi të gjeje diçka ndryshe nga ajo që jemi mësuar rëndom të shohim këto vitet e fundit.

Kandidatë që takojnë njerëz përditë, premtime nga më futuresket të stilit të Alfred Pezes. Kalimtarë që ekzaltohen, qen e mace që stresohen se nga do perfundojnë pas 6 – marsit. Parulla alla Enver, medashni pa dashni, me shpresë pa shpresë, për ju pa ju.

Kandidatë që hapin profile facebooku apo instagrami për herë të parë. Kandidatë që kujtohen se qyteti paska njerez për të takuar në mal në fushë apo në det.

Kandidatë që kujtohen se qyteti paska edhe sporte që duhen ndjek e duhet fol per to. Kandidatë që kujtohen se qyteti paska qënë në mjerim total e paska nevojë për një dorë.

Kandidatë që ka një jetë të tërë që janë në poste publike e tani paskan vënë re se cdo gjë qënka bërë gabim e duhet ribërë nga e para.

Kandidatë të super konsumuar që na shiten me kilometra zero. 

Përpos gjitha këtyre, kandidatët harrojnë gjënë kryesore, projekte reale se si të ndryshojnë qytetin.

Plan afat-shkurtër, afat-mesëm apo afat-gjatë se si do të zhvillohet qyteti. Kandidatët gjithashtu harrojnë të na bëjnë një rezyme të jetës së tyre, arritjeve profesionale apo personale, kontribute reale në qytet si dhe arsyen pse duhet ta votojmë.

E për të gjitha këto miq, ju ftoj njëherë të votoni e pastaj rrugës do mendojmë se çfarë do bëjmë. Pas 1 viti, do na kërkojnë prapë votën pasi koha ishte e pamjaftueshme për të bërë ndryshimin që duam.

Qyteti do vazhdojë të jetojë me plehrat, qentë, macet, kuajt, gropat dhe varfërinë. 

Meqë këto si rregulluam dot halli i big-brother si do shkojë?

Kush mendoni se fiton?