Teksa na ndan vetëm një ditë para finales së madhe të Big Brother Vip, qytetarët vazhdojnë të votojnë për të preferuarin e tyre. Pragu për të zgjedhur fituesin sa vjen dhe ngushtohet. Konkurrenca vijon të jetë mjaft e fortë mes katër finalistëve, ku kryeson balerini Ilir Shaqiri dhe aktori Donald Veshaj.

Sipas një postimi në fundit në Instagram, faqja zyrtare e Big Brothër VIP bën me dije se konkurenti i preferuar deri më tani është balerini Shaqiri që shihet si fitues, i ndjekur nga aktori Veshaj. Modelja Beniada Nishani dhe moderatorja Einxhel Shkira renditen të fundit në sondazh.

Në vijim pritet që gara të bëhet akoma edhe më e fortë duke mbajtur të mbërthyer fansat e secilit konkurent.

Gjithësesi nata finale rezervon të tjera surpriza ku në lojë janë futur edhe Call Center-a, kompani reklamimi, etj.

Rezultatet:

Ilir Shaqiri 59,621 like

Donald Veshaj 56,783 like

Beniada Nishani 25,046 like

Einxhel Shkira 17,443 like