Beniada është konsideruar si surpriza e këtij “Big Brother VIP”. Modelja i bëri të gjithë për vete me sensin e humorit dhe pozitivitetin e qetësinë me të cilën kaloi çdo situatë. E mbi të gjitha me të folurën karakteristike duke qenë se nuk e njihte mirë shqipen.

Dje, ajo ishte e ftuar në “Pardon My French” ku foli për eksperiencën e “Big Brother VIP”.

Beniada u shpreh gjithashtu edhe për një nga çiftet e formuar brenda shtëpisë më të famshme në Shqipëri, pikërisht për Beatrix dhe Donald dhe na tregoi si e ka parë ajo përmes syve të saj këtë raport.

“Pashë brenda shtëpisë nga ana emocionale, shumë emocione. Pashë një çift, pashë një vajzë që emocionohej që shikonte një djalë, me shkëlqim, me sytë plotë me lotë. Nuk mendoj se kjo është aktrim… Donaldi u mërzit që nuk erdhi Trixa, e pashë që u mërzit shumë… Për mua ka qenë tërheqje fizike, por ndonjëherë nuk mjafton.”