Arjan Çani, i ftuar në emisionin “Të Paekspozuarit” në MCN TV, deklaroi se historia e inceneratorëve, nuk do të harrohet as kur të kalojnë shumë vite, njëlloj si Gërdeci dhe 21 Janari, sepse “është vjedhje e bërë në mënyrë të pakujdesshme”.

“Memoria kolektive, edhe pse duket e parëndësishme, jam i bindur që kjo histori nuk do të harrohet as pas 10 vitesh. Si 97-ta, Gërdeci, 21 janari. Unë them se inceneratorët do të mbeten. Mund të ketë vjedhje më të mëdha, por si kjo, në mënyrë kaq të pakujdesshme, që nuk janë kujdesur fare për të vjedhur…

Në fund të fundit, pjesa e angazhuar e qytetarëve thonë, ore po si e kanë bërë kaq hapur?

Në memorien time nuk mbaj mend që të jenë gjetur dokumenta të tilla.

Pavarësisht se tani duket që gjithçka po shkon kot, unë them që një ditë kjo do të mbetet, do të klasifikohet në memorien e opinionit publik, studentëve që studiojnë juridik. Është rast flagrant”, tha Çani.