Gazetari shqiptar Olsi Jazexhi habit me deklaratën e tij për pushtimin rus të Ukrainës, duke thënë se është diçka e mirë.

Në emisionnin “Të Paekspozuarit”, Jazexhi ka ndërhyrë me një lidhje direkte duke shprehur mendimin e tij krejt të kundërt me panelistë e tjerë.

Sipas Jazexhi, Putin kërkon të instalojë demokracinë në Ukrainë dhe ndërhyrja e tij është një gjë e mirë.

Disa pjesë nga biseda në studio:

Olsi Jazexhi: Rusisë po i mbylle tubacionin e gazit e shkatërron ekonomikisht. Amerikanët sillen në Kiev, sikur sillen me ju në Shqipëri, që kanë instaluar regjimin e Edi Ramës, që është i korruptuar dhe ambasadorja aty bën çfarë të dojë.

Popullata e Ukrainës është 70% e krishterë ortodokse dhe në çdo tre ukrainas, njëri është rus, ata kanë sjellë president një çifut.

Rusia sic thotë edhe Vladimir Putin, po bën atë që bëri NATO në Jugosllavi. Është teori e të drejtës për tu mbrojtur, që e zhvilluan Amerikanët. Amerikanët kanë djegur të gjithë Lindjen e Mesme. Ndërhyrja e rusëve nuk është ndonjë gjë aq tragjike.

Amerikanët kanë bërë krime monstruoze në Lindjen e Mesme por nuk jan denoncuar siç po denoncohet Rusia.

Ndërhyrja ruse është shumë kirurgjike. Arsyeja pse nuk po përparojnë është sepse po evitojnë civilët. Qëllimi është të përmbysin regjimin Sorosist dhe Bidenist.

Ylli Rakipi: Ju e dënoni këtë agresion të Rusisë, ku po vriten njerëz dhe po shpërngulen?

Olsi Jazexhi: Për mua ndërhyrja e Rusisë në Ukrainë është diçka e mirë, pasi më në fund rusët po i tregojnë amerikanëve që ata nuk sillen dot me botën, nuk përmbysin dot regjime si në Irak dhe Libi. Rusët kanë interesa gjeostrategjike dhe kombëtare në Ukrainë.

Në 2014 amerikanët bënë grusht shteti dhe rrëzuan presidentin demokratikisht të zgjedhur, Janukoviç. Rusët duan të ri-instalojnë demokracinë.

Ylli Rakipi: Përse nuk ka të drejtë një vend sovran si Ukraina, të anëtrësohet në NATO dhe në cilën organizatë që ajo do?

Olsi Jazexhi: Qeveria ruse, përpara se Ukraina të futet me pahir në NATO dhe duhet ta dimë se misioni I NATOS-s është shkatërrimi i Rusisë. Parpara se Ukraina të vendosë cfarë do vetë, në vend duhet të instalohet demokracia. Amerikanët kanë instaluar një regjim kukull, siç është regjimi i Edi Ramës në Tiranë. Ambasada aty bën çfarë do. Janë vrarë dhe deportuar njerëz.

Rusia kërkon që në Ukrainë të instalohet demokracia!