Kryeministri Edi Rama ka dalë në një deklaratë për mediat, ku ka tentuar të justifikojë situatën e rëndë ekonomike në vend dhe rritjen e çmimeve, me luftën në Ukrainë.

Rama tha se do të ngrihet Komiteti i Posaçëm ndërministror për përballimin e pasojave te luftës.

“Krijimin e një komuniteti të posaçëm ndërministror për përballimin e pasojave të luftës. Nuk jemi në kushtet e një kërcënimi ushtarak, por si të gjitha vendet e tjera në kushtet e kërcënimit të përditshëm ekonomik, si rezultat e daljes krejtësisht nga binarët e normalitetit.

Sot, dëshirojmë që të flasim në mënyrë specifike për energjinë pasi është edhe palca e zhvillimit ekonomik. Ndërkohë kërcënimi i thellimit të krizës energjetike vjen vetëm duke u rritur”, deklaroi Rama në një konferencë të thirrur për shtyp në Kryeministri.

Më tej, ai dha alarmin ndërsa theksoi se duhet të përgatitemi për çdo skenar.

“Europa ka hyrë në luftë. Duhet të përgatitemi për çdo skenar. Duhet të përgatitemi psikologjikisht edhe për situata dramatike të furnizimeve me naftë apo energji. Edhe kjo mund të vijë, edhe pse është skenari më dramatik.

Nuk është një film ajo që shohim në ekrane, është një luftë reale”-tha ndër të tjera Rama.