Maluma më në fund do të vijë në Tiranë dhe do të mbajë koncert me datë 14 Mars në sheshin “Nënë Tereza”.

Fansat e këngëtarit me famë botërore kanë dy vite që presin, pasi koncerti është shtyrë për shkak të pandemisë Covid-19.

Teksa pothuajse gjithçka është gati, burime pranë revistës “Who” kanë zbuluar se hapja e koncertit do të bëhet nga këngëtarë të njohur shqiptarë, konkretisht nga Ronela Hajati dhe Elgit Doda.

Koncerti që do të mbahet në Tiranë është pjesë e turit botëror të artistit me famë ndërkombëtare, ndërkohë që është bërë me dije që Maluma do të qëndrojë në kryeqytet vetëm gjatë koncertit dhe më pas do të largohet, ndryshe nga vendet e tjera ku do të rrijë të paktën një natë.