Kur një ditë pas pushtimit rus, Volodymyr Zelensky postoi në rrjetet sociale një video-selfie të shkrepur në rrugë, duke i treguar botës “Ne jemi këtu, jemi në Kiev, ne po mbrojnë Ukrainën”, lufta mediatike u fitua. Nuk mund të kishte konkurrencë me një Vladimir Putin të veshur me kostumin presidencial, i cili vetëm pak ditë më parë kishte takuar Emmanuel Macron të ulur në njërin skaj të një tavoline gjigande ovale, dhe menjëherë pas kësaj, me një tryezë tjetër po aq të madhe takoi me ministrin e jashtëm rus Sergei Lavrov. Presidenti ukrainas është empatik dhe pasionant, ai rus është i ftohtë dhe i largët.

Në ditën e 23-të të luftës, Putin nuk e kundërshton veten. Ai u shfaq në stadiumin e Moskës me një xhup Loro Piana që kushton plot 12 mijë euro. Me të iu drejtua turmës brohoritëse në përvjetorin e aneksimit të Krimesë. Xhupi ishte blu i errët, i kombinuar në mënyrë perfekte me një pulovër të bardhë.

12 mijë euro nuk janë pak. Sidomos në periudhë luftë dhe në një kohë kur ndaj Rusisë janë vendosur shumë saksione.

“Putin sot ka veshur një xhup italian, Loro Piana që kushton 12 mijë euro. Sa i bie në rubla? Sa është paga mesatare mujore ruse?”, pyet një ndjekës.

Kurse nga ana tjetër, veshja e vijës së parë e Presidentit të Ukrainës, gjithmonë e njëjtë, këmisha apo bluza jeshile me ose pa xhup, edhe para Kongresit Amerikan apo Dhomës së Komunave Britanike, i ka sjellë shumë popullaritet presidentit ukrainas. Ukrainasit ndjejnë se ai është një prej tyre, ndjejnë se ndajnë bashkë sfidat dhe ankthet. Kurse luksi i xhupit të Putin, që ia del të fshehë mirë edhe jelekun antiplumb pa të cilin thuhet se ai s`del kurrë nga shtëpia, e largon dhe izolon, nga kushdo dhe gjithçka.