Gazetari Sokol Balla, thotë se është në gjendje shumë të mirë shëndetësore. Ky reagim i tij vjen pas lajmeve të shpërndara mbrëmjen e sotme, se ai ka pësuar një atak kardiak. 

“Jam shumë mirë”, ka thënë gazetari kur është pyetur nga newsbomb.al. Balla tregon se mbrëmjen e djeshme ka pasur probleme shëndetësore dhe falë ndihmës së shpejt që ka marrë nga mjekët, ia ka dalë dhe ndodhet në shtëpi.

Sokol Balla është një gazetar me poste drejtuese në disa nga televizionet kryesore të vendit. Ai u bë i njohur ku për shumë vite drejtoi redaksinë e lajmeve në Top Channel, po ashtu kishte dhe emisionin e tij “Top Story”.

Më pas rrugëtimi i tij ka vazhduar në disa media të tjera.

Tri javë më parë, përmes një shënimi në Twitter gazetari njoftoi rikthimin në kompaninë e madhe mediatike. “Sot në 1 mars 2022, futem në një derë nga dola në 31 dhjetor 2017. Shihemi së shpejti”, shkruante Sokol Balla, teksa ndodhej në ambientet e Top Channel.